Vıtse-spıker S.Dıachenko basqarǵan Májilis depýtattarynyń toby SQO-da Memleket basshysynyń Joldaýyn túsindirýde
ASTANA. 9 sáýir. QazAqparat - QR Parlament Májilisiniń depýtattar toby jumys saparymen Soltústik Qazaqstan oblysynda júr.
Bul týraly Májilistiń baspasóz qyzmetinen habarlaıdy.
Oblys ákimdiginde ótken kezdesýdiń taqyryby - Elbasynyń aǵymdaǵy jyldyń 27 qańtaryndaǵy «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Joldaýy men kóppartııaly Parlamenttiń zań shyǵarýshy jumysynyń negizgi qaǵıdalaryn túsindirý.
Kezdesýge Májilis tóraǵasynyń orynbasary Sergeı Dıachenko, depýtattar Anatolıı Makovskıı, Abaı Tasbolatov pen Borıs Sorokın qatysty.
Kezdesý barysynda Soltústik Qazaqstan oblysynyń ákimi Serik Bilálovtiń atap ótýinshe, aımaqta jalpy sany 700 adamdy quraıtyn 15 aqparattyq-nasıhattyq top jumys isteıdi - bir oblystyq, bir qalalyq jáne 13 aýdandyq toptar. Bekitilgen aýdandarǵa shyǵý aı saıyn Biryńǵaı aqparattyq kúnder aıasynda júzege asyrylady.
