Vıtse-prezıdenttikke admıraldy tańdady

«Reıter» agenttigi taratqan aqparat bo­ıynsha, H.Klınton bul orynǵa otstavkadaǵy admıral, Eýropadaǵy NATO kúshteriniń burynǵy bas qolbasshysy Djeıms Stavrıdısti laıyq kórip otyr. Demokratııalyq partııadan vıtse-prezıdenttikke úmitkerdiń kandıdatýrasy 25-28 shildede Fıladelfııada ótetin partııanyń sezinde jarııa etilýi múmkin. Al Djeıms Stavrıdıs 2009-2013 jyldar aralyǵynda Eýropadaǵy Soltústikatlantıkalyq alıanstyń birikken kúshterine basshylyq etken. Sol jyldary Hılları Klınton AQSh-tyń memlekettik hatshysy qyzmetin atqarǵan edi.

Narazylyq sharalary báseńdeıtin emes

Úndistannyń Kashmır jáne Djammý shtattarynda birneshe kúnnen beri narazylyq sharalary ótip jatyr. Ýaqyt ótken saıyn ol órship bara jatqan syńaıly.

Sońǵy aqparattarǵa qaraǵanda, narazylyq sharalary kezinde 30-dan astam adam ajal qushqan jáne 1,3 myńdaı adam jaraqat alǵan. Al osy el basylymdarynyń jazýynsha, narazylyq sharasy barysynda qaza tapqandar arasynda polıtsııa qyzmetkerleri de bar. Quqyq qorǵaý organdary, onyń ishinde jergilikti polıtsııa Úndistanda terrorshyl uıym dep tanylǵan «Hızb-ýl-Mýdjahıdın» tobynyń belsendi múshesi 21 jastaǵy Býrhan Muzaffar Vanıdiń kózi joıylǵan soń, Kashmırde jappaı narazylyq sharasy bastalǵanyn alǵa tartady. Djammý men Kashmır turǵyndarynyń negizgi bóligin musylmandar quraıdy. Osy eki shtatta aımaqtyń Pákistanǵa qosylýyn qalaıtyn separatıstik toptar da bar ekenin aıta keteıik.

Qaraly jıyndaǵy qylyǵy úshin synǵa ushyrady

AQSh-tyń burynǵy prezıdenti kishi Djordj Býshtyń Dallasta qaza tapqan polıtseılerdiń janazasynda bı bıleýi áleýmettik jeli paıdalanýshylardyń narazylyǵyn týdyrdy.

Búginde onyń bılegeni beınelengen kadr­lar eń kóp talqylanǵan taqyryptyń birine aınaldy. Beınetaspada Býshtyń oınaqy, robot bıin bılegeni anyq kórinip tur. Olardyń arasynda AQSh-tyń qazirgi prezıdenti Barak Obamanyń zaıyby Mıshel Obama da bar. Munymen qosa, kishi Býsh azaly horǵa qosyla ándetip, arasynda ázil aıtyp, qasyndaǵylardy kúldirýge tyrysqany ersileý bolyp kórinedi. Kópshilik halyq Dallastaǵy jappaı narazylyq pen tártipsizdikter kezinde atylǵan oqtan qaza tapqan polıtsııa qyzmetkerlerin aza tutý rásimine jınalǵan bolatyn.

Qysqa qaıyryp aıtqanda:

• Sársenbi kúni ıAkýtııanyń Sebıan-Kıýel eldi mekeninde qar jaýdy. Jergilikti turǵyndardyń aıtýynsha, tabıǵattyń tosyn minezi kópshilikti tańǵaldyryp otyr.
• Hakerler shabýylynan keıin taıvandyq úsh bank bankomattar arqyly aqsha berýdi ýaqytsha toqtatty. Buǵan bankomattardan 2,2 mıllıon dollardaı aqshanyń qoldy bolǵany sebep boldy.
• Meksıkanyń Kankýn atalatyn kýrortty qalasy mańyn­daǵy túrmeden 11 tutqyn qashyp ketti. Olar túzeý mekemesiniń qaraýylyn baılap tastaǵan, sodan keıin temir tordy kesip, syrtta ózderin kútip turǵan avtomáshınege minip, izderin sýytqan.
• Bishkekte Qyrǵyzstan memlekettik tirkeý qyzmeti ǵımaratynyń aldynda tólqujattaǵy «ulty» degen baǵandy qaldyrýdy talap etken mıtıng ótti. Osyǵan deıin usynylǵan jańa tólqujat úlgisinde «ulty» degen baǵan alynyp tastalǵan eken.

Súńgýir qaıyq aýǵa túsip qaldy

Portýgalııanyń «Tridente» klasyna jatatyn súńgýir qaıyǵy Ulybrıtanııanyń jaǵalaýynda frantsýzdyq balyq aýlaıtyn traýlerdiń aý-toryna túsip qaldy. Bul jóninde Bı-Bı-Sı aqparat agenttigi habarlady.

Oqys ári kúlki shaqyratyn bul oqıǵadan eshkim zardap shekpegen. Al súńgýir qaıyq La-Mansh buǵazyndaǵy araldan Ulybrıtanııanyń teńiz kúshterimen birge júzip júrgen eken. Ekıpaj bir kezde qaıyqtyń júrýine belgisiz nárse kedergi keltirip turǵanyn baıqaıdy. Qaıyq sý betine jaılap kóterilgende ekıpaj sý asty qaıyǵynyń jaqyn mańda júrgen frantsýzdyń «Daıton» atty traýleriniń balyq aýlaıtyn aýyna oralyp qalǵanyn kóredi. Bul súńgýir qaıyq elektr qýatymen júredi, dızeldi qozǵaltqyshyn tek sý betine shyqqanda ǵana iske qosady. Onyń uzyndyǵy - 68 metr, syıymdylyǵy - 2 myń tonna.

Bosqyndar men mıgranttar qozǵalysy baqylanady

Germanııa men Halyqaralyq kóshi-qon uıymy aýqymdy derekkózderdi qoldana otyryp, álemdegi bosqyndar men mıgranttardyń qozǵalysyn baqylaýǵa múmkindik beretin jahandyq málimetter bazasyn qurmaq.

Halyqaralyq kóshi-qon uıymynyń habarlaýynsha, málimetter bazasy arnaıy portalda qoljetimdi bolady. «Biz álemdik qoǵamdastyq aıasynda aqparattarmen almasyp, kóshi-qondy rettep otyrýymyz qajet», - dedi osyǵan baılanysty Germanııa syrtqy ister mınıstri Frank-Valter Shtaınmaıer. Portaldyń jumysyn Germanııa qarjylandyrady. «Qazirgi qıyn zamanda naqty faktiler men dálme-dál taldaýdyń negizinde sheshim qabyldaýymyz kerek. Óıtkeni, kóshi-qon týraly málimetter túrli uıymdar men elder arasynda shashyrap júr. Bul portal aldaǵy ýaqytta biregeı platformaǵa aınalǵaly tur», - dedi Halyqaralyq kóshi-qon uıymynyń bas dırektory Ýlıam Leısı Svıng. Osy uıymnyń deregi boıynsha, ótken jyly álemdegi bosqyndar men kóship-qonýshylar sany rekordty 65,3 mıllıon adamǵa jetken eken.

Eki jolaýshy poıyzy soqtyǵysty

Italııanyń ońtústiginde eki jolaýshylar poıyzy soqtyǵysyp, saldarynan kem degende 22 adam mert bolǵan, 33 adam jaraqat alǵan. Aqparat agenttikteri 18 adamnyń aýyr halde jatqany jóninde derek keltiredi. 

Adam ólimine soqtyrǵan apat eldiń Pýlııa aımaǵyndaǵy Barı qalasynda oryn alypty. Bılik ókilderiniń habardar etýinshe, poıyzdaǵy jolaýshylardyń basym bóligi Barı ýnıversıtetine bara jatqan stýdentter bolsa kerek. Apatty jaǵdaıdy tergep-tekserýshiler bir poıyzdyń jyldamdyqty shamadan tys asyrǵandyǵy týraly aqparat taratty. Sondaı-aq, olar apatqa adam faktory sebep bolýy múmkin degen málimdeme de jasady. Budan úsh jyldaı buryn, 2013 jyly Italııa tarıhynda iri jol apaty bolyp, avtobýstaǵy 38 jolaýshy ajal qushqan edi.

Internet materıaldary negizinde ázirlendi