Vıtse-prezıdenttikke admıraldy tańdady
ASTANA. QazAqparat - Demokratııalyq partııadan AQSh prezıdenttigine úmitker Hılları Klınton prezıdent bolyp saılanǵan jaǵdaıda, vıtse-prezıdenttik laýazymǵa usynatyn tulǵanyń aty-jónin atady.
«Reıter» agenttigi taratqan aqparat bo¬ıynsha, H.Klınton bul orynǵa otstavkadaǵy admıral, Eýropadaǵy NATO kúshteriniń burynǵy bas qolbasshysy Djeıms Stavrıdısti laıyq kórip otyr. Demokratııalyq partııadan vıtse-prezıdenttikke úmitkerdiń kandıdatýrasy 25-28 shildede Fıladelfııada ótetin partııanyń sezinde jarııa etilýi múmkin. Al Djeıms Stavrıdıs 2009-2013 jyldar aralyǵynda Eýropadaǵy Soltústikatlantıkalyq alıanstyń birikken kúshterine basshylyq etken. Sol jyldary Hılları Klınton AQSh-tyń memlekettik hatshysy qyzmetin atqarǵan edi.
