Vıtse-premer Jumaǵalıevke «E-aıyppuldar» jobasy tanystyryldy
QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń tóraǵasy Baǵdat Mýsın júrgizýshilerge qajet qujattar sanyn aıtarlyqtaı qysqartýǵa múmkindik beretin «E-aıyppuldar» pılottyq jobasyn tanystyrdy.
Baǵdat Mýsınniń aıtýynsha, endigide júrgizýshi týraly barlyq málimetti, onyń ishinde tehpasport pen saqtandyrý polısiniń bolýyn JSN-men planshet arqyly tekserýge bolady. Bul júıe engizilgen soń avtojúrgizýshiler polıtsııa qyzmetkerine tek júrgizýshi kýáligin kórsetýine bolady. Aıyppuldy júrgizýshiler dál sol jerde nemese mobıldi POS-termınal arqyly tóleı alady jáne tólengen aqsha birden avtomatty túrde tólem júıesinen kórinedi.
«Endi hattamalardy rásimdeý bar bolǵany úsh áreketten turady, olar: JSN engizý, avtomobıldiń memlekettik nómirin jazý jáne tártip buzý babyn kórsetý. ıAǵnı, budan bylaı júrgizýshilerge qujattar paketin ózimen alyp júrý qajet emes. Jergilikti polıtsııamen bul júıe testileýden ótti», - dep atap ótti B. Mýsın.
Óz kezeginde Almaty ákimi «E-aıyppuldar» jobasynyń megapolıste engizilýine qoldaý bildirdi jáne qalanyń patrýldi qyzmetterin planshettermen, mobıldi termoprınterlermen jabdyqtaý úshin qarjy izdestirýdi tapsyrdy.
«Qazaqstandy tsıfrlandyrý úderisi onsyz da túrli keńseshildik kedergilerdi joıyp, jemqorlyqty azaıtý úshin jasalyp jatyr», - dedi Baýyrjan Baıbek.
Premer-Mınıstr orynbasary Asqar Jumaǵalıev Almatyǵa jumys sapary barysynda, sondaı-aq «Innovatsııalyq tehnologııalar parki» derbes klasterlik qorynyń aýmaǵynda ornalasqan «Tech-Garden» ІT-aımaǵynda boldy. ІT-aımaqtyń rezıdentteri - 10 kompanııa men 15 startap. Bulardyń barlyǵy IBM, ARM, Autodesk, 1C sekildi zamanaýı tehnologııalyq paltformalardy paıdalanady.
Jobaǵa qatysýshylardyń kópshiligi munaı-gaz, metallýrgııa, mashına jasaý sııaqty óndiris salasymen aınalysatyn tanymal sheteldik kompanııalarmen básekeles, sonymen qatar olar qala ınfraqurylymyn damytýǵa ózderiniń ázirlemelerin usyna alady.
Asqar Jumaǵalıev ınnovatsııalyq negizdegi jobalarmen tanysa kele, Qazaqstan óńirleriniń jáne jaqyn shet memleketterdiń startap-kompanııalarynyń qatysýymen tájirıbelik sheberlik sabaqtaryn ótkizýdi usyndy.
Sondaı-aq Premer-Mınıstrdiń orynbasary men Almaty qalasynyń ákimi «Qazposhta» AQ-nyń aqparattyq-logıstıkalyq ortalyǵynyń jumysymen tanysty. Munda poshta ónimderi avtomatty túrde suryptalady, ol saǵatyna 6 545 poshta ónimderin jiberedi. Júıe salmaǵy 10 kg-ǵa deıingi halyqaralyq jáne ishki banderolder men halyqaralyq shaǵyn paketterdi irikteıdi.
«Qazposhta» AQ basqarma tóraǵasy Sáken Sársenovtyń aıtýynsha, ınternet arqyly saýda jasaý kún sanap artyp kele jatyr. Jyl basynan beri Qazaqstanǵa 9 mln.-nan astam sheteldik poshta ónimi túsken.
«Eger bıylǵy jyldyń tamyz aıyna deıin biz táýligine 10 myń poshta ónimin iriktesek, suryptaý mashınasy men mobıldi termınaldyń arqasynda óńdeý jyldamdyǵy on esege ulǵaıtyldy. Tehnologııalyq protsesti ońtaılandyrý arqyly poshta ónimderi táýlik boıyna suryptalady. Onyń ústine, suryptaý jumystaryn avtomattandyrý protsesi poshta qaltashalaryn naqty baǵyttar boıynsha irikteýge jol ashty, bul hat alýshyǵa sálemdemeni jyldam jetkizýge múmkindik beredi», - dedi Sáken Sársenov.
Jaqsy bazanyń, damyǵan logıstıkanyń jáne poshta bólimsheleriniń júıeleri negizinde «Qazposhta» búgingi kúni e-Sommerce ınfraqurylymyn júzege asyra alady. Almatyda ınternet-magazınderge kómek retinde fýlfılment qyzmeti iske qosylǵan, ol poshta ónimin suryptaıdy, saqtaıdy, qaptaıdy jáne jetkizedi.
S. Sársenovtyń sózine kelsek, «Qazposhta» Qazaqstan arqyly Qytaıdan Eýropaǵa nemese keri baǵytta tranzıt arqyly habtardy iske qosýmen túrli tranzıtti jobalarǵa qatysady. Bul Qazaqstan arqyly Qytaıdan Reseıge nemese Eýropaǵa tranzıtti ónimderdiń 20%-dan astamyn ótkizýge múmkindik beredi. Eger 2016 jyly «Qazposhta» arqyly tranzıtti lektiń kólemi 53%-dy qurasa (10 mln ónim, 2015 jyly 6,5 mln bolǵan), kompanııa 2017 jyly 17 mln ónimge artady dep kútýde.