Vıtse-premer túlekten keshirim suratqan Bilim mınıstrliginiń máselesin qaramaq
ASTANA. QazAqparat - QR Premer-Mınıstriniń orynbasary Gúlshara Ábdihalyqova túlekten keshirim suratqan Bilim mınıstrliginiń máselesin sheshýdi ýáde etti.
"Bul máseleniń men anyǵyn bileıin: qaı jaqtan shyqty, ne sebepten suraq boldy ondaı, ne sebepten keshirim surady. Mundaı keń aıada talqylaýdy júrgizip kerek emes edi dep sanaımyn. Árbir adam talqylaýǵa, suraq qoıýǵa quqyly. Men bul suraqty anyqtap bileıin. Naqtylap taǵy bir qaraıtyn bolamyz", - dedi ol búgin Ortalyq kommýnıkatsııalar qyzmetinde ótken brıfıngte.
Petropavl qalasyndaǵy Ábý Dosmuhambetov atyndaǵy oblystyq daryndy balalarǵa arnalǵan mamandyrylǵan gımnazııa - ınternatynyń túlegi Aınur Serik 31-shi telearnaǵa bergen jalǵan aqparat úshin keshirim suraǵan bolatyn.
«2014 jylǵy UBT tapsyrmalarynyń barlyǵy mektep baǵdarlamasyna saı suraqtar. Barlyq suraqtardyń durys jaýaby bar jáne durys qurylmaǵan suraqtar múldem bolǵan joq», - dep jazǵan Aınur óz hatynda.
Esterińizge salaıyq, petropavldyq talapker Aınur Serik UBT suraqtarynyń ishinde syra zaýyty týraly suraqtyń kezdeskenin telearna arqyly aıtyp, búkil eldi bir shýlatqan edi.
Keıin bul suraqty tilshiler Sárinjipovtiń ózine qoıǵan bolatyn. Biraq QR BǴM Ulttyq testileý ortalyǵynyń dırektory Qalı Ábdıev artynan baspasóz májilisinde 2014 jylǵy UBT-da syra zaýyty týraly suraq bolǵan joq dep málimdedi. Tipti Aınurdyń Qazaqstan tarıhynan tapsyrǵan test suraqtaryn ákelip, jýrnalısterge kórsetti. Rasymen de bul suraq joq eken.
Eske sala ketsek, Qazaqstanda 2014 jylǵy UBT-ǵa 92 myńnan asa mektep túlekteri qatysty. Olardyń tórteýi eń joǵary 125 ball jınady.
