Vıtse-premer: Sport rezervin daıarlaýdyń ulttyq modelin ázirleýdi tapsyramyn
«Olımpıadalyq sport túrlerinen aldyńǵy qatarly elderdiń tájirıbesin zerttep, sport rezervin daıarlaýdyń ulttyq modelin ázirleýdi tapsyramyn. Keı azamattar «baza joq, anaý az» degen áńgimelerdi de kóterip jatyr. 2008 jylǵy Beıjińde, 2012 jyly Londonda, 2016 jyly Rıo-de Janeıroda bolǵan Olımpıadalarda keremet nátıjelerge jettik qoı. Sol kezdegi bazamen búgingi bazanyń aıyrmashylyǵy bar emes pe?! Ol kezdegi materıaldyq bazanyń deńgeıi tómen boldy ǵoı. Nege sol kezde osyndaı úlken nátıjege jettik? Nege deseńizder, ol kóptegen uıymdastyrý máselelerimen baılanysty. Sondyqtan osyny oılaýymyz kerek», - dedi vıtse-premer Mádenıet jáne sport mınıstrliginiń alqa otyrysynda.
Vıtse-premer paralımpıadalyq oıyndarǵa qatysqan sportshylarymyzdyń jaqsy nátıje kórsetip júrgendigine nazar aýdartty.
«Tokıdodaǵy nátıjelerin qarasańyzdar kóp joǵary. Olar qandaı jaǵdaıda sportpen aınalysyp jatyr? Sondyqtan osy máselelerdiń bárin eskerýimiz kerek. Muny da qarastyramyz», - dedi Eraly Toǵjanov.
