Vıtse-premer Ómirzaq Shókeevtiń qatysýymen eń keminde aıyna bir ret zııaly qaýym men bıznes qaýymdastyqtardyń ókilderimen konsýltatsııalar ótkiziledi - J. Aıtjanova
ALMATY. Naýryzdyń 27-si. QazAqparat /Erlik Erjanuly/ - Biryńǵaı ekonomıkalyq qoǵamdastyq qurý - Kedendik odaqtan da kúrdeli. Bul týraly QR Ekonomıkalyq damý jáne saýda mınıstri Janar Aıtjanova búgin Almatyda ótip jatqan Keden odaǵyna qatysty basqosýda aıtty,
dep habarlaıdy QazAqparat.
«Ekonomıkalyq yqpaldastyqtyń kelesi satysy - Biryńǵaı ekonomıkalyq qoǵamdastyq qurý bolyp tabylady. Ol - Kedendik odaqtan da kúrdeli. Biz Biryńǵaı ekonomıkalyq qoǵamdastyqty qurý barysynda 20 kelisimdi qabyldaıtyn bolamyz. Kedendik odaq elderiniń syrtqy elderge qoldanatyn kedendik bajdary, tarıftik emes sharalary birdeı bolady. Ol - baǵa, tabıǵı monopolııalardyń tarıfterin retteý prıntsıpteri. Sondaı-aq 12 qyzmet kórsetý salalaryndaǵy kompanııalarda básekelestikti retteý prıntsıpterin bir jaǵdaıǵa keltiretin bolamyz. Úsh eldiń arasynda taýarlarmyz ben qyzmet kórsetetin kompanııalarymyz emin-erkin júrýi úshin birdeı básekelestik jaǵdaı jasaý kerek», deıdi Ekonomıkalyq damý jáne saýda mınıstri Janar Aıtjanova. Bul óte kúrdeli kelisimder ekenin aıtqan mınıstr, olardy daıyndaý barysynda barlyq bıznes qaýymdastyqtarmen konsýltatsııalar ótkizip, aqparatty bólisý jumystaryn júrgizedi. Sondaı-aq Premer-Mınıstrdiń 1-shi orynbasary Ómirzaq Shókeevtiń qatysýymen eń keminde aıyna bir ret Ekonomıkalyq damý jáne saýda mınıstrliginde zııaly qaýym men bıznas qaýymdastyqtardyń ókilderimen konsýltatsııalar ótedi.
