Vıtse-premer qazaqstandyq bıznesmenderge shetelge shyǵýǵa keńes berdi
ALMATY. QazAqparat - QR Premer-Mınıstriniń orynbasary Erbolat Dosaev K18:Kazakhstan Growth Forum aıasynda qazaqstandyq bıznesmenderge shetelge shyǵýǵa keńes berdi, dep habarlaıdy QazAqparat tilshisi.
«Bıznes alańnyń tarylyp bara jatqany ras. Qazaqstandyq bıznestiń 70 paıyzy memlekettik satyp alý men kvazımemlekettik sektordaǵy satyp alýǵa baǵyttalǵan. Bizde sol bıznes qurylymnyń kesirinen kompanııalarǵa IPO-ǵa shyǵýǵa umtylys joq. Ári Qazaqstanda 18 mln 200 myń adam turyp jatyr. Bizdiń otandyq bıznesmender úshin perspektıva Qazaqstannan tysqary jatyr», - dedi E.Dosaev.
Onyń aıtýynsha, elimizde qazir ımporttyń ornyn basý baǵdarlamalary jumys jasap jatyr. Sonda da tutynýshylar úshin eń bastysy baǵa men sapa bolyp otyr. Osy maqsatta eksportty barynsha qoldaý sharalary qoldanylmaq.
«Eksportty qoldaý jáne damytý sharalary ózgeretin bolady. Bizdiń bastamamyzdy jyl sońyna deıin Parlament qoldaıdy dep úmittenemiz», - dedi ol.
Sonymen qatar, vıtse-premer 2020 jyldyń sońyna deıin salyq pen keden júıesin tolyq tsıfrlandyrý aıaqtalatynyn aıtty.
