Vıtse-premer: Qazaqstanda qoldanylatyn barlyq vaktsına tıimdi ári qaýipsiz
NUR-SULTAN. QazAqparat – Qazaqstanda qoldanylatyn barlyq vaktsına tıimdi ári qaýipsiz. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.
«Qazaqstanda qoldanylatyn barlyq vaktsına tıimdi ári qaýipsiz ekendigin málimdeımiz. Sóz joq, Qazaqstanda epıdemıologııalyq jaǵdaı turaqtandy. Nur-Sultan qalasynda biraz másele bar. Keshe ǵana Densaýlyq saqtaý mınıstrimen otyrys ótkizip, birqatar máseleleni talqyladyq. Biraq, jaǵdaı turaqtaldy dep qol qýsyryp otyrýǵa haqymyz joq», - dedi Úkimet basshysynyń orynbasary Ortalyq kommýnıkatsııalar qyzmetindegi brıfıngide.
Eraly Toǵjanov saqtyq sharalaryn qatań saqtaý qajettigin de basa aıtty.
«Maska kııý, áleýmettik araqashyqtyqty saqtaý jáne basqa da saqtyq is-sharalaryn qoldaný kúndelikti ádetimizge aınalýy kerek. Vaktsına alǵan kúnniń ózinde osyndaı saqtyq is-sharalaryn qoldanǵanymyz búginde artyq etpeıdi», - dedi ol.
