Vıtse-Premer Qazaqstan fýtbol federatsııasynyń jumysyn synǵa aldy
ASTANA. QazAqparat - Búgin Astanada QR Mádenıet jáne sport mınıstrliginde oblystyq dene shynyqtyrý jáne sport basqarmalary men Qazaqstandaǵy sport federatsııalary ókilderiniń qatysýymen ótip jatqan keńes barysynda QR Premer-Mınıstriniń orynbasary Berdibek Saparbaev fýtbol federatsııasynyń jumysyn synǵa aldy.
«Ókinishke qaraı, birqatar federatsııalardyń jumysy syn kótermeıdi, al olarǵa halyqtyń qarajaty bólinip jatyr. Ásirese, fýtbol týraly aıtaıyq. Jaqynda ǵana Sankt-Peterbordaǵy týrnırde qazaqstandyq jastar quramasynyń oıyny da buǵan mysal. Olar eýropalyq komandalardy aıtpaǵannyń ózinde Tájikstan komandasynan jeńilip qaldy. Keshe afrıkalyq komandamen teń tústi. Mine, sizder men bizderiń nátıjemiz osyndaı», - dedi Berdibek Saparbaev.
Bul rette Vıtse-premer Qazaqstan fýtbol federatsııasynyń jańa basshylyǵy jaqsy nátıjeler kórsetýge tyrysady degen senim bildirdi. Onyń aıtýynsha, fýtbol - bul sporttyń eń súıikti túri. «Alaıda, kóptegen sport ǵımarattary salynǵanyna, jastarymyzdy Brazılııada oqytqanymyzǵa qaramastan, ázirshe ondaı jumystardan esh nátıje joq», - dedi B. Saparbaev.
Sonymen bir mezgilde Premer-mınıstrdiń orynbasary jaqsy nátıje kórsetip júrgen elimizdegi boks, aýyr atletıka, tennıs sekildi federatsııalar jumysyn oń baǵalady.
