Vıtse-premer Erbol Orynbaev «Vremıa» gazetiniń tilshisimen kezdesti
ASTANA. 31 qańtar. QazAqparat - Premer-Mınıstrdiń orynbasary Erbol Orynbaev búgin «Vremıa» respýblıkalyq gazetiniń tilshisi Vıktor Býrdınmen kezdesti,
dep habarlady Úkimet basshysynyń baspasóz qyzmetinen.
25 qańtarda ótken Úkimet otyrysynda Premer-Mınıstr Kárim Másimov Erbol Orynbekov pen Densaýlyq saqtaý mınıstri Salıdat Qaıyrbekovaǵa «Vremıa» gazeti tilshisiniń maqalasynda kóterilgen máselelerdi tekserý, avtormen kezdesý jáne qabyldanǵan sharalar týraly baıan etý týraly tapsyrma bergen bolatyn.
Búgingi kezdesý barysynda elimizdiń densaýlyq saqtaý salasynyń aǵymdaǵy jaǵdaıy men damý perspektıvasy talqylandy. Jýrnalıstke 2010 jyldyń 1 qańtarynan beri kúshine engen Densaýlyq saqtaý salasynyń biryńǵaı ulttyq júıesiniń engizilý barysy týraly, onyń jumys tetikteri jáne halyqtyń densaýlyǵyn qorǵaý salasyn qaıta qurýdyń keıingi kezeńderin júzege asyrý úshin qabyldanyp jatqan sharalar týraly málimetter berildi.
E.Orynbaev densaýlyq saqtaý salasyn damytý memlekettik baǵdarlamasynyń júzege asyrylý maqsattary týraly, onyń negizgi baǵyttary men densaýlyq saqtaý salasynyń memlekettik júıesin qaıta qurýdyń nátıjesinde qol jetkizý josparlanyp otyrǵan maqsatty ındıkatorlarǵa naqty túsinikteme berdi. Tilshimen bolǵan áńgime barysynda sondaı-aq medıtsına salasyn basqarýdy jetildirý baǵytynda qabyldanyp jatqan sharalar týraly da aıtyldy.
Kezdesý barysynda vıtse-premer densaýlyq saqtaý mınıstrine halyqtyń densaýlyǵyn qorǵaý salasynda jedel áreket etý jáne shuǵyl sharalar qabyldaý jónindegi jumys komıssııasyn qurý týraly tapsyrma berdi.
Odan keıin kezdesý Densaýlyq saqtaý mınıstrliginde jalǵasty. Oǵan vedomstvo mınıstri Salıdat Qaıyrbekova, mınıstrlik komıtetteri men «SK-Farmatsııa» AQ-nyń basshylary qatysty.
