Vıtse-premer eki aptada ana óliminiń aldyn alý sharalaryn ázirleýdi tapsyrdy
NUR-SULTAN. QazAqparat - Osy jyldyń basynan beri elimizde 17 ana ólimi tirkelgen. Bul týraly búgin QR Densaýlyq saqtaý mınıstrliginiń alqa otyrysynda Úkimet basshysynyń orynbasary Eraly Toǵjanov aıtty, dep habarlaıdy QazAqparat tilshisi.
«Byltyrǵy jyldyń qorytyndysy boıynsha densaýlyq saqtaý salasynyń mańyzdy kórsetkishteriniń keıbiri tómendegeni baıqalady. Máselen, óńirlerdegi ana óliminiń artýyna baılanysty jaǵdaı da kúntártibinde tur. Osy jyldyń basynda ana óliminiń 17 jaǵdaıy tirkeldi. Bul ótken jylmen salystyrǵanda 2 ese kóp dep aıtsam artyq emes», - dedi Úkimet basshysynyń orynbasary
Osy rette Eraly Toǵjanov bul kórsetkishti ashyǵyn aıtqanda búkil densaýlyq saqtaý júıesiniń sapasyna baǵa dep qabyldaýǵa bolatyndyǵyn basa aıtty.
«Densaýlyq saqtaý mınıstrligine jergilikti ákimdiktermen birlesip, osý ýaqytqa deıin atqarylyp kelgen sharalardyń tıimdiligin baǵalap, 2 aptanyń ishinde naqty usynystar engizýdi tapsyramyn», - dedi Premer-Mınıstrdiń orynbasary.
