Vıtse-premer birqatar shet memlekettiń tsıfrlandyrý tájirıbesin zerttep qaıtpaq
«Osy kúnderi QR Premer-Mınıstriniń orynbasary Asqar Jumaǵalıevtiń tsıfrlandyrýdy Qazaqstan ekonomıkasynyń túrli sektorlaryna engizý tájirıbesin zerdeleý boıynsha Estonııaǵa sapary ótýde. Sonymen qatar ekonomıkany tsıfrlandyrý, ІT-startaptar parkteriniń qyzmeti, ekonomıkaǵa Indýstrııa 4.0 elementterin engizý jáne elektrondy memlekettik qyzmetterdi damytý máseleleri boıynsha yntymaqtastyqty zerdeleý úshin Asqar Jumaǵalıevtiń Ulybrıtanııaǵa, Sıngapýrǵa, Malaızııa men Ońtústik Koreıaǵa saparlary pysyqtalýda», - dedi mınıstr.
Onyń aıtýynsha, syrtqy saıası vedomstvo jańa tehnologııalar transfertine, sonymen qatar Qazaqstan ekonomıkasynyń sektorlaryn tsıfrlandyrýǵa basym nazar aýdarady.
«Memleket basshysynyń nusqaýlaryna sáıkes, ekonomıkany tsıfrlandyrý, Indýstrııa 4.0 elementterin engizý, elektrondyq úkimettiń qyzmetterin damytý, sondaı-aq sheteldik jetekshi ІT-kompanııalardy Qazaqstanda jumys isteýge, ásirese Astana qalasyndaǵy Halyqaralyq ІT-startaptar parkine qatysýǵa tartý salalaryndaǵy shet memleketterdiń tájirıbesin zerdeleý jumystary jalǵasyp jatyr», - dedi Qaırat Ábdirahmanov.