Vıtse-premer baıandamasyn oryssha jasaǵan «Qazposhta» basshysyn synǵa aldy
Búgin elordada «2025 jylǵa deıin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes ótken edi.
Alqaly jıynda «Qazposhta» basshysy baıandamasyn bastan-aıaq orys tilinde jasap shyqty.
Keńeske qatysqan vıtse-premerdiń de qazaq tilinde qoıǵan bir-eki saýalyna orys tilinde jaýap berdi.
Osydan keıin Eraly Tojanov Serik Saýdabaevqa qazaq tilinde de sóıleý kerektigin eskertti.
«Orys tilinde keremet sóılep jatyrsyzdar. Qazaq tilinde de sóıleý kerektigin qaperińizge salǵym keledi. Esterińizde bolsyn. Búkil elde, halyqtyń arasynda muny ár ýaqytta este saqtaýymyz qajet. Myna jerde otyrǵan azamattardyń bári - osy eldiń azamattary. Sondyqtan júrgen-turǵan jerimizde osyny únemi eskerýmiz kerek. Aınalamyzda bolyp jatqan jaǵdaıdy kórip otyrsyzdar. Sondyqtan sizderge de tikeleı qatysy bar. Osyny bárimiz eskerýge tıispiz», - dedi Úkimet basshysynyń orynbasary.