Vıtse-premer B.Saparbaev ÚEU-men yqpaldastyq máselesi boıynsha birqatar nusqaýlar berdi

ASTANA. QazAqparat - Astanada QR Premer-Mınıstriniń orynbasary Berdibek Saparbaevtyń tóraǵalyǵymen QR Úkimeti janyndaǵy Úılestirýshiler keńesiniń keńeıtilgen otyrysy ótti.

Bul týraly primeminister.kz saıty habarlady.

Otyrys barysynda Memleket basshysynyń «Nurly jol - bolashaqqa jol» atty Joldaýy júzege asqaly turǵan tustaǵy memlekettik emes sektordyń ahýaly men damý perspektıvasy talqylandy.

Atap ótý kerek, ÚEU-men áriptestik Úkimet jumysynyń basym baǵyttarynyń biri.

Jyl saıyn áleýmettik jobalardy qoldaý kólemi artýda, aǵymdaǵy jyldyń ózinde 1900 jobany júzege asyrý úshin 7 mlrd. teńge qarastyrylǵan.

B. Saparbaev otyrysty qorytyndylaı kele ÚEU-men birlesip jumys jasaý jáne áleýmettik saladaǵy azamattyq bastamalardy qoldaýǵa baılanysty birqatar tapsyrmalar berdi.

Úılestirýshiler keńesiniń jumysyna ortalyq memorgandardyń basshylary, QR Parlamenti Májilisiniń depýtattary, Qazaqstannyń Azamattyq Alıansy, ÚEU ókilderi qatysty.