Vıtse-premer: Aýyl sharýashylyǵy - ekonomıkanyń mańyzdy qozǵaýshy kúshteriniń biri
ASTANA. QazAqparat - QR Premer-Mınıstriniń orynbasary Darıǵa Nazarbaeva Qazaqstan Jer shary halqynyń jartysyn azyqpen qamtamasyz etýge qaýqarly dep esepteıdi.
«Aýyl sharýashylyǵy - ekonomıkany alǵa súıreıtin mańyzdy qozǵaýshy kúshterdiń biri. Bizdiń jer, aýyl sharýashylyǵy erekshelikteri, onyń ústine aýyl sharýashylyǵynda zamanaýı tehnologııalardy paıdalaný arqyly Qazaqstannyń jarty álemdi asyraý múmkindigi bar. Mine, jerge kómilgen «altyn kenish» osynda jatyr. Agrarlyq ýnıversıtetterde oqyp jatqandar, osy salada jumys istegisi keletinder úshin dál osy jerde úlken áleýet jatyr», - dedi ol búgin Astanadaǵy Sáken Seıfýllın atyndaǵy Qazaq Agro-Tehnıkalyq ýnıversıtetine jasaǵan sapary kezinde.
«Mamandardy daıarlaý, ǵylymdy damytý jáne oqytýdyń jańa ádisterin engizý jedel qarqynmen júrý kerek. Osyǵan baılanysty, biz elimizdiń aldyńǵy qatarly oıshyldary men Qazaqstannyń zııaly qaýymy shoǵyrlanǵan ınstıtýttar men ýnıversıtetterge úlken úmit artamyz», - dep atap ótti vıtse-premer.
