Vıtse-premer Á.Isekeshev «ArselorMıttal Temirtaý» AQ-daǵy apattyń saldaryn joıý boıynsha shtab otyrysyn ótkizýde
QARAǴANDY-TEMІRTAÝ. 27 maýsym. QazAqparat - «ArselorMıttal Temirtaý» AQ metallýrgııalyq kombınatynda oryn alǵan aýqymdy apatqa baılanysty vıtse-premer-QR Indýstrııa jáne jańa tehnologııalar mınıstri Áset Isekeshev Temirtaýǵa keldi.
Áset Isekeshev apat oryn alǵan jerde boldy. Qazir «ArselorMıttal Temirtaý» AQ apattyń saldaryn joıý boıynsha shtabtyń otyrysy ótip jatyr.
Kompanııanyń baspasóz qyzmetiniń aqparyna súıensek, apat basty óndiristerge áser etken, biraq kombınat búginde jumys istep tur.
Eske sala keteıik, «ArselorMıttal Temirtaý» AQ HÝ-1 koksohımııalyq óndirisinde bıylǵy 26 maýsym kúni saǵat 16.15-te temir-beton tútin murjasy opyrylyp, jarylǵan. №5 koks batareıasynyń aralyq jylý qabyrǵasyndaǵy janǵysh ónimderdi joıýǵa arnalǵan murja bólinip ketken. Murjanyń syrtqy dıametri 11 metrdi, bıikti 90 metrdi quraıdy.
Nátıjesinde dıametri 2000 mm tikeleı koks gazynyń gaz qubyryna zaqym kelip, onyń sońy koks gazynyń, kómir daıyndaý tsehy galereıasynyń órttenýine ákelip soqty. Koksohımııalyq óndirisiń hımııalyq ustaý tsehynyń jumysy toqtatyldy.
