Vıtse-mınıstrge Qyzylorda oblysynda kókpar sportyn damytý usynysy jetkizildi
Vıtse-mınıstr Á.Tájibaev atyndaǵy oblystyq ámbebap ǵylymı kitaphanasynda turǵyndarmen kezdesti.
Jıyndy Qyzylorda oblysy ákimi apparatynyń basshysy Shahmardan Baımanov júrgizip, óńirdiń sport salasyndaǵy jetistikteri men damý dınamıkasyna qysqasha toqtalyp ótti.
Sondaı-aq kezdesýge oblystyq Mádenıet jáne sport basqarmasyna qarasty mekeme basshylary, jattyqtyrýshylar, qoǵam belsendileri men BAQ ókilderi qatysty.
Sársen Quranbek óz saparynyń basty mindeti elimizde júrip jatqan reformalar týraly halyqty aqparattandyrý, memlekettik organdardyń el turǵyndary aldyndaǵy jaýapkershiligi men jumysyn kúsheıtý ekendigin aıtty. Osy oraıda ol mınıstrlik tarapynan atqarylyp jatqan jumystarǵa toqtalyp ótti. Kezdesýden soń vıtse-mınıstr qoǵam belsendileri men BAQ ókilderiniń suraqtaryna jaýap berip, turǵyndardy jeke qabyldady.
Sonymen qatar «NAMAN ATA» sport kesheniniń quryltaıshysy Murat Sársenbaev mınıstrlik ókilin keshen jumysymen tanystyrdy.
Keshende Sársen Quranbek jattyǵý ótkizip jatqan balalarmen suhbattasty. Olarǵa el namysyn qorǵap, chempıon atanýǵa tilektestigin bildirdi.
Vıtse-mınıstrdiń sońǵy nysany Jańaqorǵan aýdanynynyń jergilikti sport kesheni boldy. Munda ol gandbol, basketbol jáne ústel tennısimen aınalysatyn jas sportshylarmen kezdesti. Keıin aýdandyq ıppodromdaǵy kókparshylardyń jattyǵýyn tamashalap, olardyń jetistikteri men aldaǵy josparlary jaıly aqparat aldy.
Sársen Quranbek kókpar sportyn damytý boıynsha aýdandyq sport salasy basshylarynyń bildirgen usynystaryn qoldap, elimizde ulttyq sportty damytý máselesi qashan da aldyńǵy orynda turýy qajet ekendigin atap ótti. Sondaı-aq ol mınıstrlik tarapynan ulttyq sport túrlerin damytý úshin barlyq jaǵdaı jasalyp, usynystar qashan da qabyldanatynyn jetkizdi.
