Vıtse-mınıstr: JOO onlaın oqý formatynyń zańnamalyq máselesi pysyqtalýda
«Joǵary bilimge qoljetimdilikti qamtamasyz etý úshin onlaın-oqytý formatyn zańnamalyq bekitý máselesi pysyqtalýda. Osynyń arqasynda sheteldik stýdentter tartylatyn bolady, jastardyń shetelge ketýi qysqarady, oqý korpýstary men jataqhanalardy kútip-ustaýǵa jumsalatyn qarjy shyǵyndary qysqarady. Onlaın-oqytý sapasyn qamtamasyz etý úshin joǵary oqý oryndarynyń tsıfrlyq resýrstaryna, bilim berý baǵdarlamalarynyń kontentine, POQ daǵdylaryna qoıylatyn jekelegen talaptar ázirlenetin bolady. Oqýǵa túsý kezinde trenıngter ótkizý arqyly bilim alýshylardyń onlaın-oqýǵa daıyndyǵyna erekshe nazar aýdarylatyn bolady», - dedi vıtse-mınıstr.
Sonymen qatar elimizde joǵary oqý oryndarynyń akademııalyq derbestigin keńeıtý saıasaty jalǵastyrylady.
«Joǵary oqý oryndaryna túrli tilderde oqytylatyn pánderdiń paıyzdyq araqatynasyn anyqtaýda tolyq derbestik beriledi. «Mıkrosanattar», «nano-dárejeler», «keńeıtilgen dárejeler (Stackable degree)» uǵymdary engiziledi. Oqý úrdisinde praktık-mamandardyń sanyn kóbeıtý josparlanýda. Joǵary oqý oryndary qorytyndy attestattaýdy ótkizý túrin óz betinshe anyqtaı alady», - dedi Qýanysh Erǵalıev.
