Vıtse-mınıstr: Jas polıtseılerdiń tabysy 300 myń teńgege jetedi
NUR-SULTAN. QazAqparat – QR Іshki ister vıtse-mınıstri Alekseı Kalaıchıdı polıtsııa qyzmetkerlerin baspanamen qamtý jumystary jóninde baıandady, dep habarlaıdy QazAqparat tilshisi.
«Ázirge polıtsııa qyzmetkerleriniń 46% baspana ótemaqysyn alý quqyǵy berildi. Menińshe, bul – edáýir úlken jeńildik. Qyzmetker otbasyndaǵy bir adam úshin 20-50 myń teńge aralyǵynda ótemaqy beriledi. Eger orta eseppen bir januıada 4 adam bar dep eseptesek, 80-160 myń teńge aralyǵynda tólenedi. Oǵan 150 myń teńge jalaqyny qosyńyz. ıAǵnı, óz qyzmetin jańadan bastaǵan qyzmetker úshin 200 myńnan 300 myń teńgege deıingi tabys – úlken kómek dep esepteımin», - dedi vıtse-mınıstr «Habar 24» arnasyna bergen suhbatynda.
Onyń aıtýynsha, ishki ister júıesinde 34 myń qyzmetker baspanaǵa muqtaj.
«Búginde 15,5 myń qyzmetkerdiń baspana máselesin sheshtik. Taǵy bir mańyzdy qadam – qyzmetker zeınetke shyqqanda baspanany ózine qaldyrýy úshin zańnamalyq túzetýler ázirledik. ıAǵnı, ekinshi deńgeıli banktermen úshjaqty kelisimshart jasalady. Osylaısha, qyzmetker turǵyn úı ótemaqysyn jaldamaly páter ıesine emes, óz baspanasynyń nesıesine jumsaıdy», - dep túsindirdi A. Kalaıchıdı.
Buǵan deıin A. Kalaıchıdı Іshki ister mınıstrliginde 1500-ge tarta basshylyq laýazym shtaty qysqartylǵanyn habarlaǵan bolatyn.
