Vıtse-mınıstr Jaqsalıevtiń úıqamaqta qansha ýaqyt otyratyny belgili boldy
Astana qalalyq sotynyń baspasóz qyzmeti habarlaǵandaı, elordanyń Almaty aýdandyq № 2 soty 2018 jyldyń 1 maýsymynda Baqytjan Jaqsalıevke qatysty 2018 jyldyń 1 tamyzyna deıin úıqamaqta ustaý týraly sanktsııa shyǵardy.
Vıtse-mınıstr «Aımaq ı K» JShS merdigerlik uıymynyń múddesine qyzmettik babyn asyra paıdalandy degen kúdikke ilindi. Baqytjan Jaqsalıevtiń úıqamaqqa alynǵany týraly 4 maýsym kúni Memlekettik qyzmet isteri jáne sybaılas jemqorlyqqa qarsy is-qımyl agenttigi habarlaǵan bolatyn.
Ulttyq bıýro buǵan deıin: «Jaqsalıev atqarylǵan jumys kóleminiń 30 ese artyq kórsetilgenin bile tura, jalpy quny 863 mln teńgeni quraıtyn 109 myń tekshe metr laıdyń shyǵarylǵany týraly aktige qol qoıǵan, keıin bul soma merdigerge aýdarylǵan», - dep habarlanǵan bolatyn.
Keıinirek atalǵan oqıǵaǵa baılanysty Energetıka mınıstri Qanat Bozymbaev: «Óte ókinishti. Bir túsinispeýshilik bolǵan shyǵar degen úmitim bar. Sebebi, bizdiń ujym, Energetıka mınıstrligi, Baqytjan Muhambetqalıulyn bilikti jáne kásibı energetık, áriptes dep bilemiz. Jáne bul istiń tergeý jumystary mınıstrlik jumysyna, ondaǵy mindettemelerimizdi atqarýǵa keri áserin tıgizbeıdi degen úmittemin», - dep óz pikirin bildirgen.
Odan buryn ustalǵan taǵy bir vıtse-mınıstr Ǵanı Sádibekov 1 shildege deıin úıqamaqta bolady. Ol "Aımaq" JShS merdigerlik uıymynyń basshysy D.Dýanbekpen birige otyryp, Şýchınsk-Býrabaı kýrorttyq aımaǵyndaǵy kóldi tazalaýǵa bólingen asa iri kólemdegi bıýdjettik qarajatty jymqyrdy degen kúdikpen ustalǵan.
Dáýlet Іztileý