Vıtse-mınıstr Túrkistanda MÁMS boıynsha óńirlik shtabtyń kóshpeli otyrysyn ótkizdi
Medıtsına salasyndaǵy jańashyldyqtyń júzege asýyn talqylaýǵa oblys ákiminiń orynbasary Sáken Qalqamanov, «Áleýmettik medıtsınalyq saqtandyrý qory» KEAQ basqarma tóraǵasy Aıbatyr Jumaǵulov pen Túrkistan oblysy qoǵamdyq densaýlyq basqarmasynyń basshysy Muqan Egizbaev qatysty.
Jańa jyldan elimizde mindetti áleýmettik medıtsınalyq saqtandyrý júıesi jumysyn bastalǵany belgili. Qazaqstandyqtar bıyldan bastap mindetti áleýmettik medıtsınalyq saqtandyrý aıasynda tis dárigerine jeke emhanada tisin tegin emdete alady. Odan bólek tegin dári-dármekke qoljetimdilik arta túspek. Túrkistan oblysyna bıyl ambýlatorııalyq tegin dári-dármektiń 400-ge jýyq túri jetkiziledi.
Jańa júıe aýyl medıtsınasyn damytýǵa da úlken qoldaý bolmaq. Tehnıka jańartylyp, alǵashqy sanıtarlyq kómek pen jedel –járdem qyzmetin qarjylandyrý artpaq. Densaýlyq saqtaý vıtse-mınıstriniń aıtýynsha, basty maqsat sapaly medıtsınalyq kómek kórsetý bolýy tıis. Oblystyq medıtsınalyq uıymdar óz kezeginde mindetti áleýmettik medıtsınalyq saqtandyrýǵa tolyǵymen daıyn.
Túrkistan oblysy halqynyń 91,6% - y mindetti áleýmettik medıtsınalyq saqtandyrý júıesimen qamtylǵan. Túrkistan oblysynyń «MSQ» KEAQ fılıaly 2020 jylǵa mindetti áleýmettik medıtsınalyq saqtandyrý boıynsha 40 memlekettik jáne 35 jeke menshik medıtsınalyq uıymdarmen kelisimshartqa turǵan.
