Vıtse-mınıstr «Tehnıkalyq retteý týraly» zańnyń jańa redaktsııasyn túsindirip berdi

Atalǵan qujat bıyl tamyz aıynda qabyldanǵan bolatyn. Oǵan sáıkes, ónim óndirýshi kásiporyndarǵa jeke standarttardy ázirlep, ol boıynsha taýar shyǵarýǵa ruqsat etilgen. Biraq onyń barlyǵy memlekettiń tehnıkalyq retteý talaptaryna saı bolýy shart. «Osylaısha, biz otandyq ónimniń sapasyn kóterip, onyń básekege qabilettiligin barynsha arttyrýdy kózdep otyrmyz. Zańda standarttyń úsh túri kórsetilgen. Ol - úkimettik emes standart, konsortsıým standarty jáne aldyn ala ulttyq standart. Osy jumystyń túpki maqsaty - 2014 jyly 1 tamyzǵa deıin barlyq kásiporyndardyń ishki standarttaryn aldyn ala ulttyq standartqa kóshirý. Oǵan 2 jyl ýaqyt berilip otyr. Osynyń nátıjesinde Kedendik odaq aıasyndaǵy qazaqstandyq ónimniń sapasy arttady. Memleket te bul jumystan tys qalyp otyrǵan joq. Ol óz kezeginde qazirgi baǵdarlamalar aıasynda kásipkerlerge tıisti qoldaý sharalaryn usynýǵa daıar», - deıdi Q.Tileýshın.

Jalpy, jańa zańnyń aıasynda kásiporyndardyń ishki standarttaryn, eń birinshi, aldyn ala ulttyq deńgeıge, al odan keıin ulttyq jáne memleketaralyq dárejege deıin kóterý kózdelip otyr. Osynyń arqasynda qazaqstandyq ónimniń sapasyn barynsha arttyrý josparlanǵan. Ol úshin eki jyldyń ishinde 2 myńǵa jýyq standartty aldyn ala ulttyq sanatqa kóshirý kerek.