Vıtse-mınıstr: Tarıf belgileýdi yntalandyratyn jańa ádis engiziledi
«Zań jobasymen tarıfti belgileýdiń jańa yntalandyrýshy ádisin engizý josparlanyp otyr. Bul ádis ınvestıtsııalardy tartýǵa, operatsııalyq shyǵyndardy tómendetýde sýbektilerdi yntalandyrýǵa, sýbektilerdiń tıimdiligin arttyrýǵa baǵyttalǵan. Eger de tarıfterdi qalyptastyrý men bekitýdiń tetigine toqtalsaq, onda tarıfterdiń qyzmet etý kezeńi 5 jáne odan artyq merzimdi quraıdy», - dedi ol.
Jumanǵarınniń sózine qaraǵanda, tarıf úsh negizgi quramdaýyshtan turady: sýbektilerdiń operatsııalyq shyǵystary; ınvestıtsııalanǵan kapıtalǵa kiristilik; ınvestıtsııalyq kapıtaldyń qaıtarylýy.
Óz kezeginde operatsııalyq shyǵystar eki topqa bólinedi, ıaǵnı qadaǵalaýdaǵy shyǵystar men baqylanbaıtyn shyǵystar eskerilgen.
Qadaǵalaýdaǵy shyǵystarǵa jóndeý jumystaryna baǵytalǵan qarjy; qyzmetkerlerdiń eńbegin tóleý qory men óndiristik protsesti qamtýǵa qajetti ózge de shyǵyndar; ákimshilik shyǵystar jatady.
Baqylanbaıtyn shyǵyndarǵa uıymdar iske asyratyn qyzmetterdi tóleýge, salyq pen alymdarǵa jumsalatyn qarjy jatady. Sebebi bul qarjylyq shyǵystar sýbekti tarapynan qadaǵalanbaıdy.
