Vıtse-mınıstr: Salyq máseleleri bıznestiń paıdasyna sheshiledi
«Bıznes tarapy túsiniksiz jaǵdaıda barlyǵyn salyq salýshylar paıdasyna sheshpeýdi ótinip otyr. Sebebi bıznes ókilderi kináli emes jaǵdaılar oryn alýy ábden múmkin. Osy oraıda adal qyzmet etip júrgen bıznesti qalaı qorǵaı alamyz? Birinshiden, barlyq túsiniksiz tustary men qateler salyq tóleýshiniń paıdasyna sheshiledi. Mundaı qaǵıdat salyqtyq daýlardy ádil qaraýǵa múmkindik beredi», - dedi QR Ulttyq ekonomıka birinshi vıtse-mınıstri Rýslan Dálenov.
Eger de salyq tóleýshi salyq organynyń túsindirýine sáıkes áreket etken bolsa jáne onyń saldarynan ustanym ózgerse, onda aıppuldar men ósimpuldar salyq tóleýshige salynbaıdy. Bul rette ıdeologııa adal salyq tóleýshilerdi qorǵaýǵa baǵyttalyp, ekonomıkanyń ár túrli salalary yntalandyrýǵa ıe bolady.
Onyń sózine qaraǵanda, atalǵan tetikterdi paıdalaný arqyly týyndaıtyn daýlardyń kóbisin jeńil sheshýge bolady.
