Vıtse-mınıstr órt qaýipsizdigi týraly: Úlken trategııa bizde de oryn alýy múmkin edi
ASTANA. QazAqparat - QR Іshki ister mınıstrligi saýda nysandaryna júrgizilgen tekserýlerdiń aldyn ala nátıjesin jarııalady. 500-ge jýyq nysannyń tek 6-aýy ǵana órt qaýipsizdigine tolyǵymen saı bolyp shyqty, dep xabarlaıdy QazAqparat tilshisi.
Vıtse-mınıstr ıÝrıı Ilınniń aıtýynsha, jospar boıynsha barlyǵy 692 nysan tekseriledi. Osy ýaqytqa deıin 460 nysanda tekserý sharalary aıaqtaldy. Sonda 6 saýda ortalyǵy ǵana órt qaýipsizdigine tolyǵymen saı bolyp shyqty.
"Árıne, bul - ókinishti jaǵdaı. Jaratýshy bizdi úlken tragedııadan aman alyp qaldy deýge bolady. Áıtpese, ol saýda ortalyqtarynda adam shyǵyny bolatyn edi. Menińshe, bul máseleni qoǵam bolyp sheshý kerek. Sol sebepti biz barlyq tekserýlerdiń nátıjesin resmı saıtqa jarııalap otyramyz. Halyq kórsin dep, ol saýda ortalyqtaryna barardyń aldynda oılansyn dep, barlyq aqparatty ashyq túrde jarııalaımyz", - dedi ıÝ.Ilın Astanada ótken baspasóz máslıxatynda.
Onyń sózine qaraǵanda, tekserýler kezinde aldymen eskertý jasalady. Eger naqty ýaqyt ishinde talaptar oryndalmasa, onda zań buzǵan nysandarǵa qatysty barlyq materıaldar sotqa joldanady. Búginde respýblıka boıynsha sońǵy tekseristiń nátıjesi boıynsha sotqa ketken materıaldar az emes. Atap aıtqanda, Astanada - "Kerýen sıtı" oıyn-saýyq ortalyǵy, Almatyda - "Mart" saýda ortalyǵy men "Spýtnık" oıyn-saýyq ortalyǵy, Aqmola oblysynda - "Býrabaı" men "Alataý" saýda ortalyqtary, Aqtóbe oblysynda - Batys Qazaqstan jármeńkesi men "Aqqý" saýda ortalyǵy, Almaty oblysynda - "Aport Mall" saýda ortalyǵy, Batys Qazaqstan oblysynda - Oraldaǵy "City Center", Qaraǵandy oblysynda - "City Mall" saýda ortalyǵy, TsÝM men "Stroımart", Qostanaı oblysynda - TsÝM, Pavlodar oblysynda - "Jibek joly" saýda úıi men "Saryarqa" saýda ortalyǵy, Soltústik Qazaqstan oblysynda - "Korona" saýda úıi, sondaı-aq, Ońtústik Qazaqstan oblysynda - Túrkistannyń "Qýanysh" saýda úıi. Atalǵan nysandarda órt qaýipsizdigine qatysty talaptar oryndalmady. Sol sebepti tótenshe jaǵdaıdyń qaýpi joǵary bolyp tur. Barlyǵyna 7,6 mln teńge kóleminde aıyppul salynyp otyr.
"Al 6 nysanda zań buzýshylyqtar múldem anyqtalmaǵan. Olar - Shaxtınsk qalasyndaǵy eki bazar, Jezqazǵanda "Kıslorod" oıyn-saýyq ortalyǵy, Almaty oblysynyń Alakól aýdanynda "Iskorka" saýda úıi, Qostanaı oblysynyń Qarabalyq aýdanyndaǵy "Delıýks" saýda ortalyǵy jáne Ońtústik Qazaqstandaǵy "Izýmı" saýda ortalyǵy".
Aıta keteıik, Reseıdiń Kemerov qalasynda bolǵan órt oqıǵasynan keıin Qazaqstanda saýda oıyn-saýyq ortalyqtaryna jospardan tys tekserister bastaldy. Negizgi maqsat - órt qaýipsizdiginiń deńgeıin anyqtaý. Atalǵan sharalarǵa qoǵam ókilderi, prokýratýra men sybaılas jemqorlyqqa qarsy kúres agenttiginiń qyzmetkerleri qatysýda. Tekserýge jatatyn nysandar men osy ýaqytqa deıin atqarylǵan tekserýlerdiń nátıjesi tótenshe jaǵdaılar komıtetiniń saıtynda jarııalanǵan.
