Vıtse-mınıstr oqýlyqtan planshetke kóshýdi qoldaıdy
ASTANA. QazAqparat - Oqýlyq tapshylyǵy problemasyn joıý úshin tolyǵymen elektrondyq oqýlyq formatyna kóshken durys. Búgin Májiliste «Aqparattandyrý týraly» zań jobasynyń tanystyrylymy barysynda Investıtsııalar jáne damý vıtse-mınıstri Asqar Jumaǵalıev osyndaı usynys jasady.
Toqtala ketetin jaıt, tanystyrylym barysynda depýtat Svetlana Romanovskaıa elimizdiń mektepterinde elektrondyq oqýlyqtar engizý týraly pikirin vıtse-mınıstrden suraǵan. «Men burynnan planshetter men elektrondy oqýlyqtarǵa kóshýdiń ýaqyty keldi dep sanaımyn. Meniń kishkene balalarymnyń ózi mektepke toly chemodanmen barady. Al olarǵa mektepte 2-3-shi qabattarǵa kóterilýge týra keledi. Tipti, otyryp alyp oılanasyń, olar qalaı kóteriledi? Sondyqtan da, men bul máseleni árqashanda qoldaımyn. Osyny qashanda ilgerilete bermekpiz», - deıdi A. Jumaǵalıev.
Vıtse-mınıstrdiń aıtýynsha, bilim berý salasynda elektrondy formatqa kóshýde naqty normalardy engizilýi qajet etilýi múmkin. «Jalpy, elektrondyq oqýlyqtar boıynsha biz tıisti sheshimderdi qabyldap, ony júzege asyra alamyz. Júıe daıyn», - deıdi A. Jumaǵalıev.
