Vıtse-mınıstr muǵalim mártebesi zańmen qalaı qorǵalatynyn aıtty
NUR-SULTAN. QazAqparat – Bilim jáne ǵylym vıtse-mınıstri Sholpan Qarınova mektep muǵaliminiń mártebesi zańmen qalaı qorǵalatynyn aıtyp berdi, dep habarlaıdy QazAqparat tilshisi.
«Qazaqstanda jeltoqsan aıynda qabyldanǵan «Pedagogtar mártebesi týraly» zań men ákimshilik rásimder týraly kodekske engizilgen ózgerister negizinde 2020 jyldyń 31 naýryzynda buıryq qabyldandy. Bul buıryq bilim berý júıesinde tekserý júrgizý boıynsha táýekel dárejesin qarap, ólshem sharttary men tekserý paraqtaryn bekitýdi kózdeıdi. ıAǵnı, muǵalimderden tıisti emes jumystardy talap etken jaǵdaıda ákimshilik aıyppul salý kózdelgen», - dedi Sholpan Qarınova Bilim jáne ǵylym mınıstrliginiń onlaın rejımde ótken apparattyq otyrysynda.
Vıtse-mınıstr bul rette aýmaqtyq departamentter naqty qandaı jaǵdaıda muǵalimderdi mindetinen tys jumysqa tartqandarǵa aıyppul salynatynyn aıtyp berdi.
«Naqty aıtyp otyrǵan buıryqqa baılanysty óńirlerdegi departamentterge quziretine 1 sáýirden bastap berilip, jumys bastaldy. Munyń ishine pedagogtardan eseptilik nemese ózine baılanysta emes aqparattardy suratqandar, muǵalimderdi óziniń, ıaǵnı kásibı mamandyǵymen baılanysty emes jumystarǵa tartqandar, pedagogtardy taýarlar men qyzmetterdi satyp alýǵa mindettep, memlekettik bilim mekemelerindegi qyzmetkerlerdi basqa memlekettik emes uıymdardyń is-sharalaryn ótkizýge tartatyndar jaýapkershilik arqalaıdy», - dedi vıtse-mınıstr.
Eske salsaq, buǵan deıin QR Bilim jáne ǵylym mınıstri Ashat Aımaǵambetov balabaqsha, mektep pen kolledjde qaǵazbastylyqtan arylatyn kún kelgenin málim etken bolatyn.
Mınıstrdiń aıtýynsha pedagogty qosymsha qujat toltyrýǵa mindettegenderge iri kólemde deıin aıyppul salý kózdelgen.
