Vıtse-mınıstr mektepterdiń sapasyz salynýyna túsinik berdi
«Jaıly mektep» pılottyq ulttyq jobany daıyndaý boıynsha jumystar bastaldy. Oblystardyń jáne respýblıkalyq mańyzy bar qalalar ákimderiniń orynbasarlarymen jer bólý máselesi boıynsha tyǵyz jumystar júrgiziledi. Barshańyzǵa málim, qazirgi tańda jańa mektep qurylysynda kóptegen kemshilikter bar.
Atap aıtqanda, 300-den 1200-ge deıin oryn sany bar tıptik mektep qurylysyna memleket 7,6 mlrd teńgege deıin jumsaıdy. Sonyń ishinde, mektepti jabdyqtarmen jaraqtandyrý smetalyq qunynyń shamamen 4-10 paıyzyn ǵana quraıdy. ıAǵnı, 500 mln teńgege deıin jumsalady. Nátıjesinde, mektep tapsyrylǵan soń ony qajetti pándik kabınettermen, kompıýterlik synyptarmen, oqý zerthanalarymen, sheberhanalarmen jáne basqa da tolyǵyraq jaraqtandyrý úshin qosymsha 1 mlrd teńgege deıin talap etedi.
Sondaı-aq qurylysty ýaqtyly qarjylandyrmaý problemasy obektiler qurylysy qunynyń qymbattaýyna, qurylystyń uzaqqa sozylýyna, qurylys konstrýktsııalary men materıaldarynyń tozýyna alyp keledi. Saldarynan jobalyq-smetalyq qujattar túzetiledi. Buǵan qosa, merdigerler barynsha paıda tabý maqsatynda sapasyz, arzan qurylys materıaldaryn paıdalanady. Saldarynan 3-5 jyldan keıin sapasyz qurylys qaıta kúrdeli jóndeý jumystaryn talap etedi», - dep máselelerdi atady vıtse-mınıstr.
Ǵanı Beısembaevtiń dereginshe, bul olqylyqtar «Jaıly mektep» jobasy aıasynda sheshimin tabady. Oǵan sáıkes, aldaǵy ýaqytta salynatyn barlyq mektepterdiń qurylysynda biryńǵaı standarttar qoldanylady. Tıisinshe, jabdyqtaý shyǵyndary kem degende 20 paıyzǵa jetedi. Vıtse-mınıstrdiń aıtýynsha, qazirgi tańda bul kórsetkish 5-7 paıyzdan aspaıdy. Budan bólek, bolashaqta boı kóteretin bilim ordalaryndaǵy sport zaldar jeke bloktarda ornalastyrylady.
Sonymen qatar, apparat jınalysynda Oqý-aǵartý mınıstri Ashat Aımaǵambetov 5-6 jyl buryn salynǵan mektepterdiń ózi qazir apatty jaǵdaıda turǵanyn málimdedi.
