Vıtse-mınıstr: Mektep túlekteri kásibı dıagnostıkadan ótedi
NUR-SULTAN. QazAqparat – Qazaqstan mektepteriniń túlekteri kolledjge túsý kezinde kásibı dıagnostıkadan óte alady. Bul týraly QR Bilim jáne ǵylym vıtse-mınıstri Bıbigúl Asylova málim etti, dep habarlaıdy QazAqparat tilshisi.
«Memlekettik tapsyrys boıynsha qabyldaý men oqytý Ulttyq testileý ortalyǵy arqyly iske asyrylady. Osy oraıda abıtýrentter bilimi týraly qujatta mindetti ári beıindi pánder baǵasy boıynsha bólinedi. Birinshi kezeńde mamandyq tańdaǵanǵa deıin árbir mektep túlegi Ulttyq testileý ortalyǵy kezeńinde kásibı dıagnostıkadan ótý múmkindigin alady. Osydan keıin tıisti mamandyqty alýǵa qatysty keńes biriledi», - dedi vıtse-mınıstr Májilistiń Áleýmettik-mádenı damý komıtetiniń keńeıtilgen otyrysynda.
Budan buryn habarlanǵandaı, tehnıkalyq jáne kásiptik bilim berý salasynda memlekettik tapsyrysty qalyptastyrý men ornalastyrýdyń jańa erejesi ázirlendi.
Sonymen qatar jegilikti atqarýshy organdarmen birlese suranysqa ıe mamandyqtar boıynsha tegin tehnıkalyq jáne kásiptik bilimmen jastardy 100 paıyz qamtýǵa kezeń-kezeńmen ótý josparlanǵan.
