Vıtse-mınıstr medıtsınalyq saqtandyrý Baıqońyrda qalaı iske asatynyn túsindirdi

ASTANA. QazAqparat - Baıqońyrdaǵy reseılikterdiń bir bóligi Qazaqstannyń mindetti áleýmettik medıtsınalyq saqtandyrý júıesimen qamtylady. Bul týraly búgin Senattyń Áleýmettik-mádenı damý jáne ǵylym komıtetiniń otyrysynda QR Densaýlyq saqtaý vıtse-mınıstri Alekseı Tsoı málim etti, dep habarlaıdy QazAqparat.

«Reseılik kásiporyndarda jumys isteıtin Qazaqstan azamattary úshin 1 AEK kóleminde mindetti áleýmettik medıtsınalyq saqtandyrý boıynsha tólem qarastyrylǵan. ıAǵnı, ózin-ózi jumyspen qamtyǵandar sekildiler eskeriledi. Máselen, reseılik medıtsınalyq saqtandyrýda azamattar óz betinshe tólemeıdi, olar úshin kásiporyn tıisti tólemderdi júzege asyrady. Bul rette bizdiń azamattar eki márte tólem jasamaıtyn bolady. Olar aıyna bir ret tólemdi engizip, qyzmetterdiń tolyq kólemimen qamtylady», - dedi A. Tsoı.

Vıtse-mınıstrdiń atap ótýinshe, hattamada «Baıqońyr» keshenindegi reseılik kásiporyndardyń qyzmetkeri bolmasa da, Baıqońyr, Tóretam jáne Aqaıda jumys isteıtin RF azamattaryn saqtandyrý qarastyrylǵan. ıAǵnı, olar Qazaqstan azamattarymen birge medıtsınalyq qyzmetterdi alý múmkindigine qol jetkizedi.

Aıta keteıik, komıtettiń búgingi otyrysynda «2009 jylǵy qarashadaǵy QR Úkimeti men RF Úkimeti arasynda «Baıqońyr» keshenin jalǵa alý jaǵdaıynda ǵarysh aılaǵynyń personalyna, Baıqońyr qalasynyń, Tóretam jáne Aqaı kentteriniń turǵyndaryna medıtsınalyq qyzmet kórsetý tártibi týraly kelisimge ózerister engizý týraly hattamany ratıfıkatsııalaý týraly» zań jobasy qaraldy.

Alekseı Tsoıdyń sózine qaraǵanda, Baıqońyrda Qazaqstan azamattaryna medıtsınalyq kómekti kórsetýge qatysty sharalar osy kezde jetkiliksiz iske asyrylýda. Osylaısha, reseılik medıtsınalyq uıymdary usynǵan QR azamattaryna medıtsınalyq kómek Qazaqstan aýmaǵyndaǵy tegin kómektiń kepildik berilgen deńgeıine sáıkes kelmeıdi. Elimiz azamattary skrınıngtik zertteýlermen qamtylmaǵan.

Budan buryn habarlanǵandaı, Baıqońyr turǵyndarynda qoljetimdi joǵary mamandandyrylǵan medıtsınalyq kómekti alý múmkindigi joq. Qoldanystaǵy kelisimge ózgerister engizý týraly hattama jobasy Baıqońyr qalasynyń, Tóretam jáne Aqaı kentterinde turatyn QR azamattaryna ulttyq zańnamaǵa sáıkes, Qazaqstan densaýlyq saqtaý mekemelerimen medıtsınalyq qyzmet kórsetýge múmkindik beredi. 

Esterińizge sala keteıik, 2016 jyldyń 12 tamyzynda Baıqońyr qalasynda Qyzylorda oblystyq medıtsınalyq ortalyǵynyń fılıaly paıdalanýǵa berilgen bolatyn. Sonymen qatar, 2018 jylǵy qańtardan bastap qalada 30 myń adamǵa qyzmet kórsetetin emhana ashyldy. Qazirgi ýaqytta bul emhanaǵa 17 myńnan astam turǵyn tirkelgen. 2019 jyly operatsııalyq bólimdi jáne jansaqtaý bólimshesin uıymdastyrý men hırýrgııany ashý josparlanyp otyr.

Alaıda Baıqońyr qalasynyń aýmaǵyndaǵy qazaqstandyq medıtsınalyq uıymdardyń qyzmet kórsetý quqyǵyn bekitý - tek kelisimge ózgerister engizý týraly hattama kúshine engennen keıin múmkin bolady. Zań jobasy teris áleýmettik-ekonomıkalyq, quqyqtyq saldarǵa alyp kelmeıdi.

Komıtet otyrysyndaǵy talqylaýdan keıin, depýtattar zań jobasyn palatanyń jalpy otyrysyna shyǵarý sheshimin qabyldady.