21:25, 04 Qazan 2019 | GMT +6
Vıtse-mınıstr: Mádenıet qyzmetkerleriniń jalaqysyn kóterý týraly qaýly ázirlendi
NUR-SULTAN. QazAqparat – Búgin QR Mádenıet jáne sport mınıstriniń orynbasary Nurǵısa Dáýeshov Qaraǵandy oblysy, Osakarov aýdanyna bardy. Bul týraly QazAqparat mınıstrliktiń bas.pasóz qyzmetine silteme jasap habarlaıdy.
Onda vıtse-mınıstr jergilikti turǵyndarmen, zııaly qaýym ókilderimen kezdesip, prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» joldaýy týraly, mańyzdy qujatta kórsetilgen mindetterdi júzege asyrý jaıynda aıtyp berdi.
Memleket basshysynyń joldaýynda mádenı sala qyzmetkerleriniń áleýmettik jaǵdaıyn jaqsartýǵa erekshe basymdyq berilgenine toqtalǵan Nurǵısa Dáýeshov Mınıstrlik 2020 jyldan bastap mádenıet jáne óner qyzmetkerleriniń jalaqysyn arttyrý úshin tıisti qaýly ázirlegenin jetkizdi.
Qujat jyl sońyna deıin qabyldanbaq.
Eske salsaq, buǵan deıin Aqtoty Raıymqulova mádenıet qyzmetkerleriniń jalaqysy qanshaǵa ósetinin aıtqan bolatyn.
