Vıtse-mınıstr qysta kókónisterdiń qymbattaý sebebin túsindirdi

ASTANA. QazAqparat - QR Aýyl sharýashylyǵy mınıstri Nurjan Áltaev qysqy ýaqytta kókónisterdiń qymbattaý sebebin túsindirdi, dep habarlaıdy QazAqparat N.Áltaevtyń Feısbýktegi paraqshasyna silteme jasap.

Eń aldymen, vıtse-mınıstr «Aýyl shaýashylyǵy mınıstrliginiń basty mindeti saýda salasyndaǵy baǵany retteý emes, aýyl sharýashylyǵyn damytý ekenin» atap ótti.

«Ekzotıkalyq eldermen salystyrǵanda, biz egin ósirýge kóbirek shyǵyn jumsaımyz. Ol elderde qystyń bolmaýy da ózindik qunǵa eleýli áser etedi. Onyń ústine, maýsymaralyq ýaqytta kókónisterdi jylyjaıda ósiremiz - bul da ólsheýsiz shyǵyn. Qysqy ýaqytta kókónisterdiń qymbattaýy dástúrge aınalyp ketti», - dep jazdy vıtse-mınıstr.

N.Áltaevtyń aıtýynsha, eldegi kókónis baǵalarynyń qymbattaýyna Reseıdegi joǵary baǵa da yqpal etedi. Sebebi, ońtústik óńirlerdegi jylyjaı ónimderi túgeldeı derlik sonda jóneltiledi.

«Bul eshteńe istemeý kerek degen sóz emes. Mınıstrlik qysqy ýaqytta kókónispen qamtamasyz etý sharalaryn atqarýda. Baǵany biz rettemeımiz. Biz tek qana óndiriske yqpal ete alamyz», - dep atap ótti N.Áltaev.

Vıtse-mınıstr qysqy ýaqytty halyqty kókónispen qamtamasyz etý boıynsha mekeme qabyldaıtyn birqatar sharalardy atap kórsetti, eń aldymen bul jańa jylyjaı sharýashylyqtaryn qurýǵa qoldaý kórsetý jáne t.b.

Qazir mınıstrlik ár oblys ortalyǵynda kóterme-taratý ortalyqtarynyń júıesin qurý boıynsha jańa jobany ázirleýde. Bul kókónistermen qamtamasyz etýge jáne olardyń baǵasyn arzandatýǵa edáýir septigin tıgizbek.