Vıtse-mınıstr: Quqyq qorǵaý jáne sot organdaryna degen senim nyǵaıý úshin olardy qajetti kadrlarmen qamtamasyz etý kerek
ASTANA. 13 sáýir. QazAqparat - «Qalyń kópshiliktiń quqyq qorǵaý jáne sot organdaryna degen senimderin nyǵaıtý úshin atalmysh organdardy qajetti kadrlarmen qamtamasyz etý kerek»,-deıdi Ádilet vıtse-mınıstri Záýresh Baımoldına.
Bul týraly ol búgin Astanada «Qazaqstan Respýblıkasy Prezıdentiniń Joldaýy aıasynda sot jáne quqyq qorǵaý júıelerin jańǵyrtý» atty taqyrypta ótken ǵylymı-tájirıbelik konferentsııa barysynda aıtty.
Vıtse-mınıstrdiń sózine qaraǵanda, Memleket basshysynyń quqyq qorǵaý organdary men sot salasyn jańǵyrtý jónindegi mindetterin osy Joldaýda kórsetilgen quqyq qorǵaý organy qyzmetkerlerin attestatsııadan ótkizý sharasy arqyly júzege asyrýǵa da bolady.
«Jalpy bul baǵyttaǵy jumystardy memlekettik organdar júzege asyrýda. Naqtyraq aıtqanda, qazir quqyq qorǵaý organy qyzmetkerlerin attestatsııalaýǵa qatysty jumystar tıisti zańa jobasynan kórinis taýyp, qujat Parlament Májilisiniń qaraýynda jatyr. Al aralyq jáne tórelik sottarǵa keletin bolsaq, bul másele boıynsha da tıisti zań jobasy daıyndalyp, ol quzyrly memleketik organ ókilderimen kelisilýde»,-dedi mınıstrdiń orynbasary.
Onyń sózinshe, quqyq qorǵaý jáne sot júıelerin reformalaý jumystary quqyqtyq rásimdeý turǵysynan da jańarýy kerek. Osy baǵytta ótken jyldan beri jańa Qylmystyq-protsessýaldyq kodeksi, Qylmystyq kodeksi jáne jańa Qylmystyq-atqarý kodeksin daıyndaý jumystary júrip jatyr.
«Bul másele boıynsha arnaıy jumys toby qurylyp, tıimdi jumys isteýde. Olar halyqaralyq quqyq tájirıbesin de negizge alyp otyr jumys júrgizýde. Al búgingi konferentsııada aıtylatyn usynys, pikirlerdiń barlyǵy tıisti zań jobalaryn daıyndaý barysynda eskeriletin bolady»,-dedi Z.Baımoldına.
