Vıtse-mınıstr koronavırýs boıynsha «sary aımaqtaǵy» óńirge bardy
Vedomstvoaralyq komıssııa aqparatyna sáıkes, vıtse-mınıstr sapar barysynda Shyǵys Qazaqstan oblysynyń ákimi Danıal Ahmetovpen kezdesip, aımaqtaǵy epıdemıologııalyq jaǵdaıdy, turǵyndar arasyndaǵy syrqat deńgeıin tómendetýge arnalǵan profılaktıkalyq jáne epıdemııaǵa qarsy is-sharalardy talqylady. Vıtse-mınıstr men óńir basshysy oblystyń COVID-19 koronavırýs ınfektsııasynyń yqtımal ekinshi tolqynyna daıyndyǵyn qarastyrdy.
«Qazaqstandaǵy epıdemıologııalyq jaǵdaıdy baǵalaý matrıtsasyna sáıkes, «sary aımaqta» jalǵyz – Shyǵys Qazaqstan oblysy tur. Qalǵany – «jasyl aımaqta». Osyǵan baılanysty óńirde koronavırýs ınfektsııasynyń taralýyna jol bermeý boıynsha barlyq qajetti sharalardy qabyldaý qajet», - dedi E. Qııasov.
Sondaı-aq, vıtse-mınıstr oblys ákiminiń Ahýaldyq ortalyǵy bazasynda qurylǵan COVID-19 oshaǵyn oqshaýlaý ortalyǵymen tanysty. Ortalyq SOO men medıtsınalyq mekeme, SES, aýyldyq okrýgterdiń ákimdikteri arasynda jedel derek almasýǵa arnalǵan.
Bas memlekettik sanıtarlyq dáriger Shyǵys Qazaqstan oblysynyń Densaýlyq saqtaý basqarmasynyń, Polıtsııa departamentiniń jáne basqa da organdar men uıymdardyń ókilderimen kezdesip, ózara is-qımyl máselesin talqylady. Sonymen qatar, Shyǵys Qazaqstan oblysy Taýarlar men kórsetiletin qyzmetterdiń sapasy men qaýipsizdigin baqylaý departamentiniń ujymymen kezdesti, koronavırýs ınfektsııasy boıynsha problemalyq máseleler men qazirgi epıdemıologııalyq jaǵdaıdy talqylady.
E. Qııasov jumysty reformalaý, qyzmetkerlerdi yntalandyrý deńgeıin arttyrý jáne ózge de qabyldanǵan sharalar týraly aqparatpen tanystyrdy.
Sapar sońynda vıtse-mınıstr QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń «Ulttyq saraptama ortalyǵy» ShJQ RM Shyǵys Qazaqstan oblysy boıynsha fılıalynyń qyzmetkerlerimen kezdesý ótkizdi. Taraptar zerthanalyq zertteýlerdiń tıimdiligin kóterý, PTR-zertteýlerdiń sany men qýatyn arttyrý, vedomstvoaralyq ózara is-qımyl jáne basqa da zerthanalar men ózge de qyzmetterdiń jumysyn úılestirý máselelerin talqylady.
Erlan Qııasov sondaı-aq oblys turǵyndary arasynda PTR testileý júrgizetin asa qaýipti ınfektsııalar zerthanasynyń materıaldyq-tehnıkasy, kadrlyq áleýetimen tanysty.