Vıtse-mınıstr Kókshetaýda ınnovatsııalyq tehnologııa qoldanylatyn balabaqshada boldy
KÓKShETAÝ. QazAqparat - Úkimettik jumys tobynyń múshesi, QR Bilim jáne ǵylym vıtse - mınıstri Sholpan Karınova Aqmola oblysyna jumys sapary barysynda Kókshetaýdaǵy №20 «Zerek» balabaqshasynda boldy, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.
Vedomstvonyń málimetinshe, balabaqsha jumysynyń basty baǵyty –jańa ınnovatsııalyq tehnologııalardy engizý arqyly bilim men tárbıe sapasyn arttyrý.
Vıtse-mınıstr balalarǵa kompıýterlik saýattylyqty meńgerýge jáne kompıýterlik tehnıkamen qarym-qatynas mádenıetin damytýǵa kómektesetin «Alio» sensorlyq dıspleıiniń jumysymen tanysty.
«Qonaqtardyń nazaryna ınteraktıvti qum jáshiktiń jumysy usynyldy, onyń kómegimen kádimgi kólder men taýlar, janartaýlar men ańǵarlar jer betine aınalady, onda balalar geografııany, jer qurylymyn, qorshaǵan ortany, pishinderdi aıyryp zerdeleıdi, keńistikte baǵdarlaýdy úırenedi, jady men logıkany damytady», - deıdi vedomstvodan.
Al robot tehnıka kabınetinde mektep jasyna deıingi balalardy matematıka, ǵylym, áleýmettik qatynastar jáne tilder álemimen oıyn túrinde tanystyratyn jumys kórsetildi.
Sonymen qatar qonaqtar ınnovatsııalyq tehnologııalardy, oqytý tapsyrmalaryn jáne fızıkalyq belsendilikti biriktiretin jattyǵý oıyn júıesi bolyp tabylatyn ınteraktıvti órmeleý qabyrǵasyn kórdi. Kishkentaı tárbıelenýshilerdiń demalýyna, kúızelisti jeńildetýine jáne bosańsýy úshin sıqyrly oryn bolyp tabylatyn sensorlyq bólmeniń jumysyna nazar aýdardy.
Aslan Ospanov.
