Vıtse-mınıstr qoǵamdyq keńesterdegi kemshilikterdi atady
ASTANA. QazAqparat - QR Qoǵamdyq damý mınıstrligi qoǵamdyq keńester quramynda jumystaryn laıyqty deńgeıde atqarmaıtyn adamdardy shyǵarý kerektigin alǵa tartýda, dep habarlaıdy QazAqparat.
«Bizge qoǵamdyq keńester men máslıhattar qyzmetterin jikteý kerek. Olar kóp jaǵdaıda máslıhattar qyzmetin qaıtalap júr. Shyn máninde máslıhattarda naqty bılik bar, olar sheshim qabyldaıdy, al qoǵamdyq keńes - ol konsýltatıvtik organ. Olar memlekettik organdarǵa keńes berip, monıtorıng júrgizýi tıis. Atap aıtqanda, zańda qoǵamdyq keńester normatıvtik-quqyqtyq aktiler jobalaryn qarastyrýy tıis degen mindet eskerilgen, ıaǵnı bul máselede olar máslıhattarmen qatar tur. Keńester qandaı aktilerdi qarastyratynyn ózderi sheshýi tıis. Al zańnamada olar bul sharalarǵa mindettelgen», - dedi QR Qoǵamdyq damý vıtse-mınıstri Sergeı Konovalov Parlament Senatynda ótken otyrysta.
Onyń sózine qaraǵanda, Ekonomıkalyq yntymaqtastyq jáne damý uıymy usynystaryna sáıkes, qoǵamdyq keńesterde azamattyq qoǵam ókilderin 90 paıyzǵa deıin jetkizý kerek.
«Budan bólek, rotatsııa tetikteri bolýy tıis. ıAǵnı, qoǵamdyq keńester quramyndaǵy keıbir músheler ózderiniń mindetterin laıyqty deńgeıde atqarmaıdy. Osy oraıda, ol jerlerde teńgerimsizdik týyndaıdy. Bir-eki adam belsendi jumys istese, qalǵandary qol qýsyryp otyrady. Bul turǵyda keńes jumysynyń qadirin ketirýge bolmaıdy», - dedi ol.
S. Konovalovtyń aıtýynsha, atalǵan máseleler boıynsha usynystar eskerilip, olardy zańnamaǵa engizý qarastyrylýda.
Jalpy Qazaqstanda 229 qoǵamdyq keńes bar. Olardyń negizgi bóligi aýdandyq jáne qalalyq deńgeıde. Keńester jumysyna 3 907 adam jumyldyrylyp, sonyń arasynda 22 paıyzy memorgannyń, 20 paıyzy úkimettik emes uıym ókili. Qoǵamdyq keńesterde 213 ákimniń, 16 ortalyq memorgan basshysy jáne 1,3 myńnan astam jergilikti atqarýshy organ esebi tyńdaldy.
