Vıtse-mınıstr: Benzınge suranys tómendedi
«Kóptegen elderde indetke qarsy sharalardy engizýge qatysty janar-jaǵarmaıdy paıdalaný kólemi tómendedi. 2020 jyldyń 4 aıynyń qorytyndysy boıynsha benzındi paıdalaný kólemi ótken jyldyń uqsas kezeńine qaraǵanda 91 paıyzdy qurady. Bıylǵy sáýir aıynda 222 myń tonna otyn jaǵyldy, bul kórsetkish aqpan aıyna qaraǵanda 30 paıyzǵa tómen (319,6 myń tonna)», - dedi vıtse-mınıstr Ortalyq kommýnıkatsııalar qyzmetinde ótken onlaın baspasóz máslıhatynda.
Onyń sózine qaraǵanda, dızel otyny boıynsha paıdalaný deńgeıi aıtarlyqtaı tómendemedi.
«4 aıda 1 mln 450 myń tonna dızel otyny jaǵyldy nemese byltyrǵy sáıkes kezeńmen salystyrǵanda 94 paıyzdy qurady. Sáýir aıynda 382 myń tonna otyn jaǵyldy jáne bul kórsetkish aqpan aıyna qaraǵanda 15 paıyzǵa joǵary boldy. Buǵan kóktemgi egis jumystarynyń bastalýy áser etti», - Á. Maǵaýov.
