Vıtse-mınıstr «Báıterek» arqyly bólingen qarajattyń esebi týraly suraqqa jaýap berdi

NUR-SULTAN. QazAqparat – QR Qarjy vıtse-mınıstri Danııar Janalınov Úkimettiń burynǵy basshysy Asqar Mamınniń «Báıterek» holdıngine qatysy týraly pikir bildirdi, dep habarlaıdy QazAqparat tilshisi.

«Respýblıkalyq bıýdjette 309 mlrd teńge «Báıterek» ulttyq kompanııasyna Ónerkásipti damytý qory arqyly qaıta óńdeý salasyna baǵyttaý úshin bólinedi. Ol aqshanyń ashyq jolmen bóilenitinine kim kepildik beredi? Osy aqshaǵa shynymen muqtaj kásipkerlerge bólingen qarajat jete me? Ony aıtyp turǵanym, keıbir BAQ atalǵan qarajat A. Mamın myrza sııaqty joǵary laýazymda bolǵan sheneýnikterdiń afılırlengen kompanııalaryna bólingenin jazǵanyn kórgen shyǵarsyz- dep surady jýrnalıst vedomstvoda ótken brıfıngte

Danııar Janalınov bul suraqqa mınıstrlik atynan resmı málimet bere almaıtynyn aıtty.

«Muny naqty osy kisimen baılanysty shot pa, ol qarjy qalaı boldy degenge vedomstvo tarapynan aıtýǵa quqyǵym joq. Sebebi zańsyzdyq oryn alǵan bolsa, tıisti organdardyń deregimen dáleldenip, sottyń sheshimi shyǵý kerek.

Óz tarapymyzdan bólingen qarjy boıynsha baqylaý júrgizemiz. Baqylaýdyń tıisti nátıjesi boıynsha Parlamentte tyńdaýlar ótkizemiz», - dep qysqa qaıyrdy.

Sondaı-aq «Báıterek» arqyly qaıta óńdeý ónerkásibiniń ókilderine berilýi tıis nesıeler zańsyz ıgerilgen bolsa, zańnama boıynsha jaýap tartylatynyn atap ótti.

«Báıterekke» 309 mlrd teńge bólindi dep otyrsyz ǵoı. Onyń óziniń talaby bar. Ol erteń qalaı ıgerilip, qandaı nátıjege jetýi kerektigi kórsetiledi. Nátıjege jetpegen bolsa, josparǵa qosqan adamdar tıisti tártiktńk jaýapkershilik arqalaıdy. Qazirgi tańda bıýdjettik kodekste mundaıǵa jol bergen laýazymdy adamdar qarjylyq ta, qylmystyq ta jaýapkershilikke tartylatyny qarastyrylǵan», - dedi vıtse-mınıstr.

Aıt ketý kerek, 13 mamyrda QR Sybaılas jemqorlyqqa qarsy is-qımyl agenttigi Asqar Mamınge qatysty eshqandaı is qozǵalmaǵanyn málim etken bolatyn.