Vıtse-mınıstr: Árdaıym urpaqtar sabaqtastyǵy bolǵany durys

TÚRKІSTAN. QazAqparat - Búgin bir top Úkimet músheleri Túrkistan oblysyna issaparmen kelgeni belgili. Sol top quramynda QR Aqparat jáne qoǵamdyq damý vıtse-mınıstri Danııar Esın Túrkistandaǵy oblystyq «Rýhanı jańǵyrý» jobalyq keńsesine atbasyn buryp, osy baǵytta atqarylǵan jumystarmen tanysty, dep habarlaıdy QazAqparat.

Búginde Túrkistan oblysy «Rýhanı jańǵyrý» baǵdarlamasyn júzege asyrý boıynsha elimizde kóshbasshylar qatarynda tur. Sońǵy 2 jyl kóleminde óńirde «Rýhanı jańǵyrý» baǵdarlamasy aıasynda «Kóne jetigenniń syry» kórkem jáne «Kıeli Qazyǵurt», «Otyrardy qorǵaý», «Kúsh atasy – Qajymuqan», «Báıdibek bı» anımatsııalyq fılmderi kórermenge jol tartty. Bıyl «Tóle bı» serııalynyń túsirilimi aıaqtalyp, «Habar» arnasynan kórsetildi. «Túrkistan», «Oqsyz oqıǵasy», «Ordabasy – birlik týy» atty anımatsııalyq fılmder shyǵaryldy. Sonymen birge óńirdiń kıeli ári týrıstik oryndarynan syr shertetin qundy kitaptar jaryq kórgen. Oblystaǵy aıryqsha mańyzy bar tarıhı-mádenı sáýlettik jáne arheologııa eskertkishteriniń fotoalbomy qazaq, orys, aǵylshyn tilderinde jáne «Ońtústiktiń qasıetti oryndary:ańyz-ápsanalar» jınaǵy jaryq kórdi.

Sonymen qatar, Túrkistan oblysy aqyn jazýshylarynyń tańdamaly 10 kitaby shyǵaryldy. Bul jınaqta respýblıkaǵa jáne oblysqa belgili 22 qalamgerdiń dúnıeleri usynyldy. Bıyl 2 tomdyq «Túrkistan oblysyndaǵy kıeli jerlerdiń geografııasy» jınaǵy men «Tamyry tereń Túrkistan» ǵylymı-tanymdyq albomy tanystyryldy.

«Týǵan jer» baǵdarlamasy men «Altyn uıam» jobalary boıynsha da oblysta kóptegen qaıyrymdylyq is-sharalary atqarylǵan. Osy jáne ózge de jetistikterdi saralaǵan vıtse-mınıstr Elbasynyń «Rýhanı jańǵyrý» baǵdarlamasy jáne «Uly dalanyń jeti qyry» maqalasy sheńberinde jumys qarqynyn tómendetpeýdi tapsyrdy.

Budan keıin Danııar Esın Túrkistan oblysy, Kentaý qalasynyń aqsaqaldary jáne jastarymen kezdesip, pikir almasty. Aǵa býyn ókilderiniń eldi damytý jónindegi usynystary men jalyndy jastardyń oı-pikirlerin tyńdap, jastarǵa memleket tarapynan qoldaý jalǵasa beretinin aıtty.

«Qazirgi tańda elimizge kásibı mamandar qajet. Sondyqtan oqý oryndary kásiporyndarmen kelise otyryp, suranysqa ıe mamandyqtardy anyqtap, jastardy oqytqany jón. Búgin aqsaqaldar men jastardyń bir arnada oı toǵystyrǵany durys boldy. Árdaıym urpaqtar sabaqtastyǵy bolǵany durys», – degen Danııar Esın Túrkistan oblysyn damytýda, jalpy eldi órkendetýde árbir azamattyń qosar úlesi bar ekenin jetkizdi.