Vıtse-mınıstr Anatolıı Shkarýpamen birge taǵy eki adam tutqyndaldy

ASTANA. QazAqparat - «TKSh damytý qory» AQ burynǵy basqarma tóraǵasy Qaısar Baıdaly men «ENERCO» JShS dırektory Erlan Nábıev tutqyndaldy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Bas prokýratýra sottyń sanktsııasymen energetıka vıtse-mınıstri Anatolıı Shkarýpany, «Turǵyn úı-kommýnaldyq sharýashylyqty damytý qory» AQ burynǵy basqarma tóraǵasy mindetin atqarýshy Qaısar Baıdalyny jáne «ENERCO» JShS dırektory Erlan Nábıevti tutqyndady.

Olar Qaraǵandy oblysynyń Saran qalasyna jylý esepteýish aspaptardy satyp alyp, ornatý úshin «Turǵyn úı-kommýnaldyq sharýashylyqty damytý qory» aktsıonerlik qoǵamyna bıýdjetten bólingen qarajattardy jymqyrdy degen kúdikke ilikken. Saran qalasynda jylý trassasy men ortalyq qazandyq joq bolsa da, Qor «ENERCO» jaýapkershiligi shekteýli seriktestigine 215 mıllıon teńge qarajatty zańsyz aýdarǵan. Jymqyrylǵan qarajattar jalǵan kásiporyn arqyly qolma-qol aqshaǵa aınaldyrylyp, qylmys qatysýshylarynyń arasynda bólingen.

Eske sala keteıik, buǵan deıin energetıka vıtse-mınıstri Anatolıı Shkarýpanyń eki aıǵa qamalǵany habarlanǵan bolatyn.