Vıtse-mınıstr: Almatydaǵy qylmys deńgeıin tómendetý úshin barymyzdy salamyz
ASTANA. QazAqparat - Almatydaǵy qylmys deńgeıin tómendetý úshin barlyq qajetti sharalardy qabyldaımyz. Bul týraly Astanada ótken baspasóz máslıhatynda QR Іshki ister mınıstriniń orynbasary Rashıd Jaqypov málim etti, dep habarlaıdy QazAqparat.
«Almatydaǵy jaǵdaıǵa toqtalsaq, Іshki ister mınıstrligi qylmystardyń ashylýy boıynsha jumystardyń keıbir kórsetkishterine alańdaýly, onyń ishinde Almatydaǵy urlyq sekildi qylmystar da bar. Sondyqtan Іshki ister departamenti tarapynan da turaqty negizde tıisti sharalar qabyldanyp jatyr. Osy oraıda Almaty garnızonyna qandaı kómek kórsetý kerektigin qosymsha zertteımiz», - dep toqtaldy R. Jaqypov.
Bul rette ol aldaǵy ýaqytta iske asyrylatyn sharalar tıisti jumystardy kúsheıtýge múmkindik beretinin atap ótti.
«Ózderińiz bilesizder, Almaty elimizdegi eń iri shahardyń biri. Onda turaqty turyp jatqan turǵyndardan bólek, elimizdiń basqa óńirlerinen baratyn adamdardyń da qarasy qalyń. Bul jaǵdaılar da qylmystylyq ahýalǵa áser etedi. Almaty Іshki ister departamenti tarapynan qabyldanyp jatqan sharalar búginde jetkiliksiz shyǵar, alaıda Almaty polıtsııasy men ІІM qylmystylyq deńgeıin tómendetý úshin baryn salatyn bolady», - dep túıdi sózin mınıstrdiń orynbasary.
Eske sala keteıik, Astanada QR Іshki ister mınıstriniń orynbasary Rashıd Jaqypov Denıs Tenniń ólimine qatysty tergeý boıynsha brıfıng ótkizdi.
