«VIA Gra» ánshisi Andreı Malahovtyń jýrnalynan 6 mıllıon rýbl talap etýde
ASTANA. 4 shilde. QazAqparat - Ánshi Albına Janabaeva bas redaktory tanymal telejúrgizýshi Andreı Malahov bolyp tabylatyn Star Hit jýrnalynan ótemaqy esebinde 6 mıllıon rýbl óndirip alý úshin sotqa shaǵymdandy.
1tv.kz -nyń «RIA Novostıge » silteme jasap habarlaǵanyndaı, Janabaevanyń isi boıynsha sot tyńdaýy Máskeýdiń Sımonov sotynda 16 shildede ótedi. Sottyń baspasóz hatshysy Oleg Shassaevtyń sózine qaraǵanda, ánshi óz aryn, abyroıy men iskerı bedelin qorǵaý maqsatynda shaǵymdanypty.
Aıta keteıik, Star Hit jýrnalynyń betterinde jaqynda Janabaevanyń sýreti bar eki maqala shyqty. Ánshiniń oıynsha, jýrnal onyń jeke ómirine zańsyz aralasyp, til tıgizgen.
