VI ǵasyrda salynǵan kitaphana qaıta ashyldy
ASTANA. QazAqparat - Mysyrdaǵy áýlıe Ekaterına monastrine tıesili bul mekeme 2014 jyly jóndeý jumystaryna jabylǵan bolatyn, dep habarlaıdy Habar 24 .
Munda 6 myńǵa jýyq dinı qoljazbalarmen qatar, myńdaǵan kóne kitap saqtalǵan. Olardyń arasynda ejelgi grek dárigeri ári fılosofy Gıppokrattyń medıtsınalyq retsepteri men shyǵys-arameı dıalektinde jazylǵan Bıblııanyń kóne kóshirmeleri bar.
Jalpy áýlıe Ekaterına monastri - eń ejelgi hrıstıandyq eskertkishterdiń biri. Ol altynshy ǵasyrda salynǵan. 2002 jyly ıÝNESKO-nyń dúnıejúzilik muralar tizimine endi. Al onyń ishindegi kitaphana tarıhı-dinı ádebıet sany boıynsha álemde ekinshi orynda tur. Eń irisi Vatıkanda ornalasqan.
«Monastrde sondaı-aq álemdegi eń ejelgi ári eń iri mozaıkalardyń biri bar. Ol 12 jylǵa sozylǵan qalpyna keltirý jumystarynan keıin kópshilik nazaryna usynylady. Jarty mıllıon tastan turatyn mozaıka shamamen 1400 jyl buryn jasalǵan», - dedi dinı qyzmetker Tonı Kazamıas.
