VI Dúnıejúzilik kóshpendiler oıyndarynyń ashylýyna oraı shattl- avtobýstar iske qosylady
BІShKEK. KAZINFORM – 31 tamyzda tegin shattl avtobýstary kórermenderdi «Bishkek Arena» stadıonynda ótetin VI Dúnıejúzilik kóshpendiler oıyndarynyń ashylý saltanatyna tasymaldaıdy, dep habarlaıdy Kazinform agenttiginiń Bishkektegi menshikti tilshisi.
Qala ákimshiliginiń málimetinshe, avtobýstar qala boıynsha barlyq aýdandy qamtý úshin belgilengen 21 orynnan júre bastaıdy.
Aıta ketý kerek, avtobýstardyń jumysy naqty ýaqyt rejıminde, sonyń ishinde beınetaspalar arqyly baqylanatyn bolady. Bul jol qozǵalysy jaǵdaıyn baqylaýǵa, qajet bolǵan jaǵdaıda jol qozǵalysyn retteýge jáne kez kelgen máselelerdi jedel sheshýge múmkindik beredi.
Eske salaıyq, 31 tamyzda Bishkektegi jańa stadıonda VI Dúnıejúzilik kóshpendiler oıyndarynyń aýqymdy ashylý saltanaty ótedi.
Al Oıyndardyń negizgi sporttyq, mádenı jáne ǵylymı baǵdarlamasy 2-6 qyrkúıek aralyǵynda Ystyqkól oblysynyń Cholpon-Ata qalasy men Qyrchyn shatqalynda jalǵasady.
Buǵan deıin Qyrǵyzstan VI Dúnıejúzilik kóshpendiler oıyndaryna arnalǵan beınerolıkti tanystyrǵan bolatyn.
VI Dúnıejúzilik kóshpendiler oıyndaryna 3 myńǵa jýyq sportshy qatysady.
Sondaı-aq 2026 jylǵy Dúnıejúzilik kóshpendiler oıyndarynyń talısmany retinde ilbis tańdalǵany habarlanǵan edi. Oǵan Bataı degen esim berildi.
Qyrǵyzstandaǵy Kóshpendiler oıyndaryna kórermenderdi 300 avtobýs tegin jetkizetini aıtyldy.
