VI Dúnıejúzilik kóshpendiler oıyndarynda el namysyn 150-den astam sportshy qorǵaıdy
ASTANA. KAZINFORM — Dúnıejúzilik kóshpendiler oıyndaryna qatysatyn Qazaqstan ulttyq quramasynyń quramy tolyq jasaqtaldy. Quramaǵa 155 sportshy, 49 jattyqtyrýshy jəne ózge de mamandar endi.
Sport jáne dene shynyqtyrý isteri komıtetiniń málimetinshe, delegatsııanyń barlyq múshesi biryńǵaı sporttyq kıimmen qamtamasyz etildi. Komandany daıarlaý jumystary Ulttyq jəne at sporty túrleri ortalyǵynyń úılestirýimen óńirlik sport basqarmalary jəne ulttyq sport federatsııalarymen birlesip júrgizilip jatyr.
— Qazirgi tańda sportshylar oqý-jattyǵý jumystarynyń sońǵy kezeńinen ótip jatyr. Kókpar jarystaryn ótkizýge qatysty daıyndyqqa da erekshe nazar aýdaryldy. Atap aıtqanda, attardy tasymaldaý, ornalastyrý, kútip-baǵý jəne veterınarııalyq súıemeldeý məseleleri pysyqtaldy, — delingen habarlamada.
Jıyn sońynda Týrızm jəne sport mınıstri Erbol Myrzabosynov ulttyq qurama múshelerine səttilik tilep, VI Dúnıejúzilik kóshpendiler oıyndarynda el namysyn abyroımen qorǵaýǵa úndedi.
Mınıstr sportshylardyń joǵary sporttyq nətıje kórsetip, medaldyq esepte úzdikter qatarynan kórinýine, sondaı-aq jankúıerlerge jarqyn əri tartysty bəseke syılaıtynyna senim bildirdi.
Aıta keteıik, VI Dúnıejúzilik kóshpendiler oıyndary 2026 jylǵy 29 tamyz ben 6 qyrkúıek aralyǵynda Qyrǵyz Respýblıkasynda ótedi.
Jarys baǵdarlamasyna sporttyń 43 túri engizilip, 69 medal jıyntyǵy sarapqa salynady.
Eske salaıyq, buǵan deıin kókpar VI Dúnıejúzilik kóshpendiler oıyndaryna jeke sport túri retinde engizilgenin habarlaǵan edik.
