VI Dúnıejúzilik kóshpendiler oıyndaryna 60-tan astam el qatysatynyn rastady
ASTANA. KAZINFORM – VI Dúnıejúzilik kóshpendiler oıyndaryna álemniń 90-nan astam eliniń qatysýy kútilip otyr. Qazirgi ýaqytta 60-tan astam memleket óz qatysýyn resmı túrde rastady, taǵy 30 shaqty el kelisý úderisinde, dep habarlaıdy Kabar agenttigi.
Bul týraly Qyrǵyzstannyń mádenıet mınıstri Mırbek Mambetalıev málim etti.
Onyń aıtýynsha, Dúnıejúzilik kóshpendiler oıyndary (World Nomad Games) halyqaralyq deńgeıde jyl saıyn úlken qyzyǵýshylyq týdyryp keledi. Salystyrý úshin, Astanada ótken aldyńǵy oıyndarǵa shamamen 86 el qatysyp, halyqaralyq qatysý boıynsha rekord ornatqan edi.
Mınıstr osy jyly Dúnıejúzilik kóshpendiler oıyndary ıÝNESKO qamqorlyǵyna ıe bolǵanyn atap ótti. Onyń aıtýynsha, bul oıyndardyń halyqaralyq mártebesi men jahandyq deńgeıdegi bedelin arttyra túsken.
– Bul – Qyrǵyzstan úshin álemdik arenada ózin tanytyp, kóshpendi órkenıettiń baı murasyn kórsetýge beriletin múmkindik, – dedi Mırbek Mambetalıev.
VI Dúnıejúzilik kóshpendiler oıyndary Qyrǵyzstanda bıylǵy 31 tamyz ben 6 qyrkúıek aralyǵynda ótedi. Uıymdastyrýshylar bul is-sharany jyldyń eń iri halyqaralyq etnosporttyq oqıǵalarynyń biri bolady dep kútip otyr.
Eske sala ketsek, «Kabar» agenttigi VI Dúnıejúzilik kóshpendiler oıyndarynyń halyqaralyq aqparattyq seriktesi bolyp taǵaıyndaldy.
Buǵan deıin 2026 jylǵy kóshpendiler oıyndarynyń tumary retinde ilbis tańdalǵany habarlanǵan.
Sondaı-aq Qyrǵyzstanda eldiń Dúnıejúzilik kóshpendiler oıyndarynyń rýhanı ári úılestirýshi ortalyǵy retindegi mártebesin zań júzinde bekitý usynylyp otyr.
