VI Dúnıejúzilik kóshpendiler oıyndary: Qazaqstan arqan tartystan chempıon atandy
ASTANA. KAZINFORM — Qazaqstan quramasy VI Dúnıejúzilik kóshpendiler oıyndarynda arqan tartystan altyn medal jeńip aldy. Bul týraly Polisia.kz jazdy.
QR ІІM «Arlan» sport klýbynyń múshesi, ShQO PD qyzmetkeri Dostan Oshabaev Qazaqstan Respýblıkasynyń ulttyq quramasy sapynda arqan tartystan baq synap, jeńimpaz atandy.
Qyrǵyzstan, Pákistan, Iran, Úndistan, Ońtústik Koreıa, Ulybrıtanııa, Reseı jáne Brazılııa elderiniń sportshylary qatysqan tartysty básekede Qazaqstan quramasy arqan tartystan jalpykomandalyq esepte І oryn ıelenip, altyn medalǵa qol jetkizdi. Otandyq sportshylar 8×8 jáne 4×4 sanattarynda da jeńis tuǵyrynan kórindi.
Dostan Oshabaev buǵan deıin de halyqaralyq jarystarda joǵary nátıjege qol jetkizgen.
Atap aıtqanda, 2024 jyly Reseıdiń Túmen qalasynda ótken arqan tartystan ashyq týrnırde jáne Ekaterınbýrg qalasynda uıymdastyrylǵan «Eýrazııa kýbogy» halyqaralyq týrnırinde jeńimpaz atandy.
Sol jyly Astana qalasynda ótken V Dúnıejúzilik kóshpendiler oıyndarynda arqan tartystan kúmis júldege ıe boldy.
2025 jyly Qyrǵyz Respýblıkasynda ótken «Ystyqkól» halyqaralyq sport oıyndarynda arqan tartystan jeńimpaz atandy.
QR ІІM «Arlan» sport klýby buqaralyq sportty damytýǵa, salaýatty ómir saltyn nasıhattaýǵa jáne qyzmetkerlerdiń sporttyq sheberligin arttyrýǵa turaqty túrde qoldaý kórsetip keledi.
Buǵan deıin Meıir Rahmetqalıev arqan tartystan Qazaqstanǵa úshinshi altyn ákelgenin jazdyq.
