VI Dúnıejúzilik kóshpendiler oıyndary qashan ótedi
ASTANA. KAZINFORM – VI Dúnıejúzilik kóshpendiler oıyndary Qyrǵyzstanda 2026 jylǵy 31 tamyz ben 6 qyrkúıek aralyǵynda ótedi. Bul týraly Kazinform-nyń Qyrǵyzstandaǵy arnaýly tilshisi habarlady.
Uıymdastyrý komıtetiniń málimetinshe, oıyndardyń ashylý saltanaty 31 tamyzda Bishkekte, al jabylý rásimi 6 qyrkúıekte Ystyqkól jaǵasynda ótedi.
– Negizgi baǵdarlama, ashylý rásiminen basqa, túgeldeı Ystyqkóldiń kórkem jaǵalaýynda uıymdastyrylady. Bul jerge 90-ǵa tarta elden sportshylar men qonaqtar jınalady, – delingen habarlamada.
Buǵan deıin DKO hatshylyǵynyń jetekshisi Nursultan Ádenov «Birinshi radıo» efırinde VI Dúnıejúzilik kóshpendiler oıyndaryna daıyndyq barysy týraly aıtqan bolatyn.
Sondaı-aq aldaǵy oıyndar baǵdarlamasyna qazaqtyń kókpary engizilmeıtini habarlanǵan edi.
Eske salaıyq, 2024 jyly V Dúnıejúzilik kóshpendiler oıyndary Astanada ótti.