VI Astana ekonomıkalyq forýmynda ınnovatsııalyq klasterlerdi qalyptastyrý máselesi talqylanady

ASTANA. 6 mamyr. QazAqparat - VI Astana ekonomıkalyq forýmy aıasynda ınnovatsııalyq ortalyqtardyń jetekshi ókilderi jáne ınnovatsııa salasyndaǵy top-menedjerler ınnovatsııalyq klasterlerdi qalyptastyrý máselesin talqylaıdy,

dep habarlady primeminister.kz saıty QR Ekonomıka jáne bıýdjettik josparlaý mınıstrliginiń baspasóz qyzmetine silteme jasap.

«VI Astana ekonomıkalyq forýmy aıasynda QR Ekonomıka jáne bıýdjettik josparlaý mınıstrligi, QR Qorshaǵan ortany qorǵaý mınıstrligi jáne «Ekonomıkalyq zertteýler ınstıtýty» AQ birlesip «Indýstrııalyq revolıýtsııa - «jasyl» ekonomıkaǵa kóshý» atty paneldik sessııasyn ótkizedi», - delingen vedomstvo málimdemesinde.

Sessııa barysynda «jasyl» ekonomıkanyń negizgi sıpattamalary, onyń damý jolyndaǵy kedergiler, shet elderdiń jańa ekonomıkalyq úlgige aýysýy boıynsha ozyq tájirıbeleri, sondaı-aq ekonomıkany jańǵyrtý men turaqty damytýdyń basqa da ózekti máseleleri talqylanady.

Talqylaý nátıjesinde Rıo+20 Sammıtiniń sheshimderin iske asyrýǵa baǵyttalǵan odan ári jasalatyn praktıkalyq qadamdar boıynsha usynymdary bar buryshtamalardy ázirleý josparlanyp otyr.

Bul shara qazaqstandyq jáne shetel sarapshylary, halyqaralyq jáne úkimettik emes uıymdar, qoǵamdyq birlestikter tarapynan joǵary qyzyǵýshylyq týdyrdy. Sessııa jumysyna 100-den asa adam qatysady.

Sonymen qatar, aǵymdaǵy jyldyń mamyr aıynda sessııanyń uıymdastyrýshylary G-global aqparattyq-kommýnıkatıvtik alańynda on-laın konferentsııany ótkizýdi kózdeıdi.